“Uyghur qirghinchiliqi” gha chétishliq shirketlerge qaritilghan “Qara tizimlik” ni téximu kéngeytish chuqanliri kötürülmekte

Muxbirimiz eziz
2022-01-26
Share

Amérika soda ministirliki Uyghur diyaridiki qirghinchiliq we insaniyetke qarshi jinayetler tüpeylidin bu qilmishlargha biwaste yaki wastilik chétishliq bolghan bir qisim xitay mu'esseselirige jaza élan qilghan hemde ularni “Qara tizimlik” ke kirgüzgen idi. Yéqinda bu “Qara tizimlik” ni téximu kéngeytish chuqanliri yawropada tushmu-tushtin otturigha chiqishqa bashlidi.

“Jenubiy xitay etigenlik géziti” ning 26-yanwardiki obzor maqalisida körsitilishiche, en'gliye, yawropa ittipaqi we bashqa döletlerdiki 35 neper siyasyon öz döletlirini Uyghur diyaridiki qirghinchiliqqa chétishliq shirketler “Qara tizimliki” ni turghuzup chiqishqa chaqirghan. Bolupmu awstraliye, kanada we hindistandiki siyasiyonlar amérika soda ministirlikining “Qara tizimlik” ini ülge qilghan halda yéngidin “Qara tizimlik” ishlesh teklipini otturigha qoyghan. Yawropa parlaméntining ezasi, “Xitay heqqidiki xelq'ara parlaméntlar birleshmisi” ning mu'awin re'isi réynxard butikofér buh heqte söz qilip: “Biz chong bankilarning shinjangdiki depsendichilik qilmishida oynigha roligha sel qarimasliqimiz lazim” dégen.

Obzorda éytilishiche, en'gliye parlaméntining on nechche ezasi en'gliye bash weziri boris jonson'gha en'gliyening bu heqtiki “Qara tizimliki” ni turghuzup chiqish tekliwini bergen. Shundaqla HSBC bankisining Uyghur diyaridiki meblegh sélish ishlirini tekshürüshni telep qilghan.

Melum bolushiche, bu xil “Qara tizimlik” Uyghur diyari bilen baghlinishliq bolghan barliq soda pa'aliyetlirini men'i qilidighan bolup, buning Uyghur diyaridiki qirghinchiliqni chekleshte mu'eyyen roli bolidu, dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet