Хитай оқуғучилар ирқий қирғинчилиқни тилға алған ризавангулгә наразилиқ билдүргән

2022.03.16
Share on WhatsApp
Share on WhatsApp

“аксиюс” (Axios) ториниң хәвәр қилишичә, американиң корнел университетида оқуватқан хитай оқуғучилар йеқинда бу мәктәптә өткүзүлгән бир сөһбәт йиғинида хитайниң ирқий қирғинчилиқ җинайитини тилға алған ризвангул нурмуһәммәдкә наразилиқ билдүргән.

Хәвәрдә ейтилишичә, америка дөләт мәҗлиси авам палата әзаси елисса слоткин (Elissa Slotkin) корнел универсистети аммиви идарә қилиш кәспиниң магестирлиқида оқуватқан оқуғучилар уюштурған сөһбәт йиғинида лексийә сөзлигән. Бу җәрянда мәзкур мәктәпниң оқуғучиси ризвангул нурмуһәммәд, елисса слоткинға соал қоюп, америка вә хәлқара җәмийәтниң русийәниң украинаға қилған һуҗумиға тездин инкас қайтурғанлиқи вә ярдәм қилғанлиқини, әмма хитайниң уйғур районида елип бериватқан ирқий қирғинчилиқ җинайитигә техичә бирәр қаттиқ җаза йүргүзмигәнликини ейтқинида, нәқ мәйдандики хитай оқуғучилар уни мәсхирә қилған, ғәлвә-ғоға чиқарған, 40 хитай оқуғучи залдин чиқип кәткән.

Ризвангул нурмуһәммәдниң иниси мәвлан 2017-йил хитай һөкүмити тәрипидин тутқун қилинған болуп, ризвангул та һазирғичә униң билән алақә қилалмиған. Ризвангул һәр пурсәттә хитайниң җинайәтлирини әтрапидикиләргә билдүрүп кәлгән. У бу қетим хитай оқуғучилириниң бу қилмишини көрүп өзиниң бихәтәрликидин әнсиригән. Буниңдин илгириму руқийә турдуш, рәйһан әсәт қатарлиқ паалийәтчиләр хитай оқуғучилириниң һәр хил тәһдитлиригә дуч кәлгәниди.

Бу мәктәптики хитай оқуғучилар бирлишип мәктәп мәмурийитигә хәт язған болуп, 80 оқуғучи имза қойған бу хәттә “биз бүгүнки сөһбәт йиғинидин чиқип кәттуқ, чүнки биз у йәрдә қоюқ дүшмәнлик кәйпияти һес қилдуқ. Ундақ әһвалда биз сөһбәт залида әмәс, йоқ җинайәт үчүн сораққа тартиливатқан сот залида кирстқа миқланғандәк олтурушни халимидуқ,” дейилгән.

Мәлум болушичә, бу сөһбәт йиғини аяғлашқанда, мәктәпниң башқурғучи хадимлиридин бири оқуғучиларға сөз қилип, хитай оқуғучилар билән әплишип қелишқа чақириқ қилған; әмма бу мәктәпниң башқуруш тармақлири ризвангул билән көрүшүп, униң көз қарашлири яки тәлипини аңлимиған. Мәктәп рәһбәрлириниң бу инкаси ризвангулни үмидсизләндүргән; шундақтиму у, бу мәктәпниң аманлиқ сақчилири, оқуғучилар сағламлиқ мәркизи вә тез қутқузуш мәркизиниң қоллишиға еришәләйдиғанлиқини билдүргән.

16-Март күни америка дөләт мәҗлиси авам палата әзаси елисса слоткин “axios” ториға чиққан хәвәргә тиветтердин инкас қайтуруп: “алдинқи һәптиниң пәйшәнбә күни мән корнил университети магестир оқуғучилири билән тор сөһбити өткүзгәнидим. Йиғинниң соал-җаваб қисмиға кәлгәндә, бир батур қиз орнидин туруп мәндин хитай һөкүмитиниң уйғурларға қиливатқан муамилиси һәққидә соал сориди,” дәп язған.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.