Американиң сабиқ диний ишлар әлчиси хәлқара җәмийәтни уйғур "ирқий қирғинчилиқи" ни етирап қилишқа чақирған

Мухбиримиз әркин
2021-07-01
Share

Американиң сабиқ диний ишлар баш әлчиси сам бровенбәк билән уйғур һәркити тәшкилатиниң мәсули рошән аббас "вашингтон вақти" гезитиниң 30-июндики санида мақалә елан қилип, хәлқара җәмийәтни хитайниң уйғурларға тутқан муамилисини "ирқий қирғинчилиқ" дәп етирап қилишқа ‍үндигән.

Мақалидә франсийәдики лагер шаһити гүлбаһар хативаҗини кәчмиши вә 2018-йили үрүмчидә тутқун қилинип һазирға қәдәр ‍из-дерики болмиған дохтур гүлшән ‍аббасниң мәсилиси чиқиш нуқтиси қилинип, уйғур аяллириниң қорқунчилиқ зиянкәшликкә дуч келиватқанлиқи йорутуп берилгән.

"уйғурлар дуч кәлгән дәһшәткә җавап бериш" мавзулиқ мәзкур мақалидә "хитай компартийәсиниң мәҗбурий туғмас қилиш һәркити лагерлардики уйғур аяллири дуч кәлгән әң қәбиһ вәһшиликләрниң бири" икәнлики, "аялларға окул селип уларни туғмас қилишқа даир доклатлар" хитайниң ахириқи мәқситиниң "уйғур миллитини йоқитиш" икәнлики тәкитләнгән.

Мақалиниң ахрида йәнә мундақ дейилгән: "биз хәлқара җәмийәтни америка, әнгилийә, голландийә вә канада һөкүмәтлиридәк бу вәһшиликни ‹‍ирқий қирғинчилиқ' дәп бекитишкә үндәймиз. Бирақ биз техиму көп ишларни қилишимиз керәк. Гүлбуһарға охшаш шаһитлар дуняниң қалған қисмини өз вәтинидә дәһшәтлик вәһшиликкә дуч кәлгән уйғурлар билән бағлап туриду. Уларниң һекайисини аңлаш, уларниң адимийликини қоғдаш һазир бизниң мәсулийитимиз.".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт