‍Америка ташқи ишлар министирлиқи: "‍ирқий қирғинчилиқни тохтитишта барлиқ дипломатик қоралларни ишқа салимиз"

Мухбиримиз әркин
2021-07-12
Share

Америка ташқи ишлар министирлиқи 12-июл күни өзиниң 2021-йиллиқ "әлей вессил ирқий қирғинчилиқ вә вәһшийликниң алдини елиш" доклати елан қилип, уйғурлар учраватқан "ирқий қирғинчилиқ" вә "‍инсанийәткә қарши җинайәт" кә алаһидә орун бәргән шундақла һөкүмәтниң бу мәсилидики позитсийәсини шәрһлигән.

Доклатта "ташқи ишлар министири блинкен 2021-йили 1-айда шәрһләп ‍өткинидәк хитай хәлқ җумһурийитиниң шинҗаңдики асаслиқ мусулман хәлқ болған уйғурларға вә башқа етник вә диний аз санлиқ милләт әзалириға қарита ирқий қирғинчилиқ вә инсанийәткә қарши җинайәт садир қиливатқанлиқи" тәкитләнгән.

Шу күни доклат елан қилиш мунасивити билән өткүзүлгән ахбарат йиғинида ташқи министири блинкен "бу йилқи доклатниң тунҗи қетим бирма, ефопийә, хитай вә сүрийәни ‍өз ичигә ‍алған конкрет дөләтләрдики вәһшийликләр тоғрисида әтраплиқ тохталғанлиқи" ни билдүрүп, бу дөләтләр һөкүмәтниң хизмәт пиланидики "әң кәскин ташқи сиясәт хирисиға вәкиллик қилидиғанлиқи" ни ейтқан.

Ахбарат йиғинида мувәққәт ярдәмчи ташқи ишлар министири роберт фавчер хитайниң уйғур елидики уйғур вә башқа етник вә диний аз санлиқ милләтләргә қарита "ирқий қирғинчилиқ вә инсанийәткә қарши җинайәт садир қилғанлиқи вә давамлиқ садир қиливатқанлиқи", американиң бу вәһшийликкә хатимә бериш ‍стиратегийәсиниң "дипломатик истратегийә болуп, хитайға қарита имканийәт яр бәргән барлиқ қоралларни ишлитип, бесим қилишни давамлаштуридиғанлиқи" ни билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт