‍Amérika tashqi ishlar ministirliqi: "‍Irqiy qirghinchiliqni toxtitishta barliq diplomatik qorallarni ishqa salimiz"

Muxbirimiz erkin
2021-07-12
Share

Amérika tashqi ishlar ministirliqi 12-iyul küni özining 2021-yilliq "Eléy wéssil irqiy qirghinchiliq we wehshiylikning aldini élish" doklati élan qilip, Uyghurlar uchrawatqan "Irqiy qirghinchiliq" we "‍Insaniyetke qarshi jinayet" ke alahide orun bergen shundaqla hökümetning bu mesilidiki pozitsiyesini sherhligen.

Doklatta "Tashqi ishlar ministiri blinkén 2021-yili 1-ayda sherhlep ‍ötkinidek xitay xelq jumhuriyitining shinjangdiki asasliq musulman xelq bolghan Uyghurlargha we bashqa étnik we diniy az sanliq millet ezalirigha qarita irqiy qirghinchiliq we insaniyetke qarshi jinayet sadir qiliwatqanliqi" tekitlen'gen.

Shu küni doklat élan qilish munasiwiti bilen ötküzülgen axbarat yighinida tashqi ministiri blinkén "Bu yilqi doklatning tunji qétim birma, éfopiye, xitay we süriyeni ‍öz ichige ‍alghan konkrét döletlerdiki wehshiylikler toghrisida etrapliq toxtalghanliqi" ni bildürüp, bu döletler hökümetning xizmet pilanidiki "Eng keskin tashqi siyaset xirisigha wekillik qilidighanliqi" ni éytqan.

Axbarat yighinida muweqqet yardemchi tashqi ishlar ministiri robért fawchér xitayning Uyghur élidiki Uyghur we bashqa étnik we diniy az sanliq milletlerge qarita "Irqiy qirghinchiliq we insaniyetke qarshi jinayet sadir qilghanliqi we dawamliq sadir qiliwatqanliqi", amérikaning bu wehshiylikke xatime bérish ‍stiratégiyesining "Diplomatik istratégiye bolup, xitaygha qarita imkaniyet yar bergen barliq qorallarni ishlitip, bésim qilishni dawamlashturidighanliqi" ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet