Srébrénika irqiy qirghinchiliqini xatirilesh künide Uyghur irqiy qirghinchiliqigha qarshi turush chaqiriq qilin'ghan

Muxbirimiz jewlan
2021-07-14
Share

-Iyul "Isra'il waqti" torida élan qilin'ghan bir maqalide srébrénika irqiy qirghinchiliqini xatirilesh künide Uyghur irqiy qirghinchiliqigha qarshi turush chaqiriq qilin'ghan.

Bu hepte srébrénka irqiy qirghinchiliqi yüz bergenlikining 26 yilliqi xatirilinidiken. 26 Yil burun sérbiye armiyesi srébrénkada 8000 musulmanni öltürgen bolup, 2-dunya urushidin kéyin yawropa tupriqida yüz bergen eng éghir qirghinchiliq dep qaralghan.

Maqalide körsitilishiche, bügünki künde birmida rohin'ga musulmanliri, xitayda bolsa Uyghurlar irqiy qirghinchiliqning qurbani bolmaqta. Melum din'gha mensup kishiler zorawan küchlerning ziyankeshlikige uchrighan misallar tarixta köp körülgen, yehudiylar buning eng tipik misali iken. Yehudiylar 2-dunya urushining aldida eng éghir irqiy qirghinchiliqqa uchrighandin kéyin, omumyüzlük birliship isra'iliye dölitini qurup chiqqan hemde "Bundaq irqiy qirghinchiliq qayta yüz bermisun" dégen chaqiriqni pütün dunyaning sho'arigha aylandurghan. Emma kéyin, bundaq irqiy qirghinchiqlar yene yüz bergen, xelq'ara teshkilatlar buninggha arilashqan. Emma bügün xitayda yüz bériwatqan irqiy qirghinchiliqqa xelq'ara jem'iyet we birleshken döletler teshkilati asasen süküt qilmaqta.

Xewerde éytilishiche, srébrénka irqiy qirghinchiliqini xatirileshning 2021-yilliq bash témisi "Turmushni yéngidin berpa qilish" bolup, buning menisi "Bügünki irqiy qirghinchiliqlarni toxtitish üchün téximu köp heriket qilish" dégenlik iken. Adaletsizlik we ziyankeshlikni tosush üchün heriket qilmasliq emeliyette u jinayetlerni süküt ichide qollighanliq bolidiken. Irqchiliq we öchmenlikni körüp turup awaz chiqarmighanda, uni qollaydighan rezil küchler téximu heddidin ashidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet