Xotende éshek béqip bay bolush teshwiq qilin'ghan

Muxbirimiz jewlan
2021-02-10
Share

10-Féwral xitay shinxu'a tori xoten guma nahiyesi qoshtagh bazirida qurulghan "Baqmichiliqni güllendürüsh kopiratipi" bning mes'uli ghulam tuniyazning éshek béqip bay bolushtek ish-izlirini süretlik xewer qilip tonushturghan.

Xewerde éytilishiche, ghulam tuniyaz bir qanche yil ilgiri éshek sütining iqtisadiy qimmitini bayqap, zamaniwi usulda éshek béqishni ögen'gen we uzaq ötmey "Baqmichiliqni güllendürüsh kopiratipi" namida éshek férmisi qurup, éshek béqishni bashlighan. Hazir bu férmida 30 nechche éshek béqiliwatqan bolup, köpligen déhqanlar bu férmigha ésheklirini "Pay" qilip qoshup bergen.

Közetküchilerning bildürüshiche, Uyghur musulmanliri köp jaylashqan we étiqad we en'ene bir qeder küchlük bolghan xotende bundaq férmilarning peyda bolushi ghelite ehwaldur. Uyghurlarda "Éshekning küchi halal, göshi haram" dep qarilidu, göshi haram bolghaniken, elwette uning sütimu halal dep qaralmaydu. Téwiplarmu késel dawalashta éshek sütining ornigha töge süti ichishni tewsiye qilidu. Xitayning Uyghur rayonidiki iqtisadiy siyasiti buninggha oxshash gheyriy kesiplerni dawamliq peyda qilmaqta hem tereqqiy qildurmaqta. Xitay hökümitining teshwiqati bilen bügün Uyghurlar éshek baqqan bolsa, ete choshqa béqishi, bügün éshektin süt alghan bolsa, kelgüside éshek göshi teminleydighan férmilarni qurushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet