Xitay en'gliyening sh t i h ni térrorchi teshkilat tizimlikige alghanliqigha medhiye oqudi

Muxbirimiz erkin
2016.07.22
Share on WhatsApp
Share on WhatsApp

Xitay tashqi ishlar ministirliqi bayanat élan qilip, en'gliyening yéqinda sherqiy türkistan islam herikitini térrorchi teshkilatlar tizimlikige alghanliqigha medhiye oqughan. En'gliyening bu tuyuqsiz qarari Uyghur teshkilatlirigha nahayiti tasadipiy tuyulghan.

Ular xitayning buni destek qilip, Uyghur rayonida kishilik hoquqni dawamliq depsende qilishidin qattiq endishe qilidighanliqini ilgiri sürgen idi.

Xitay tashqi ishlar ministirliqi bayanatchisi lu kang jüme küni élan qilghan yazma bayanatida, xelq'ara jama'etning sherqiy türkistan islam herikiti peyda qilghan “Xeterni étirap qilghanliqi” ni qarshi alidighanliqini bildürgen.

U: “ Biz en'gliyeni öz ichige alghan alaqidar terepler bilen térrorluqqa qarshi emeliy hemkarliq élip bérishni xalaymiz” dégen.

Amérika bilen b d t sh. T. I. H ni 2002‏-yili 9‏-ayda térrorluq teshkilatlar tizimlikige alghan bolsimu, emma u 2004‏-yildin kéyin amérikining térrorluq teshkilatlar tizimlikidin chüshüp qalghan.

Bezi chet'ellik analizchilar, sherqiy türkistan islam herikitining bir sistémiliq teshkili apparat ikenliki gumanliq, dégen qarashni ilgiri sürüp kelgen.

Uyghur pa'aliyetchilerning qarishiche, xitay hökümiti sh. T. I. H ni destek qilip, Uyghurlarning qanunluq siyasiy teleplirini basturup kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.