Issiq köl astidin qedimi sheher xarabisi bayqaldi

Muxbirimiz ümidwar
2015-08-30
Share


Qirghizistan we rusiyening tomsk uniwersitétining arxé'ologiye mutexessisliri birlikte issiq kölining jenubiy qisimdiki su astidin qedimki sheher xarabisi izini tapqan.

"Qir tag" agéntliqining xewer qilishiche su astidiki xarabidin köp sandiki asare etiqiler tépilghan bolup, bu jay issiq kölning jenubi qirghiqidin 2 kilométir yiraqliqqa toghra kélidiken,

Alimlar su astidiki xarabidin tépilghan buyumlarning 2 ming 500 yilliq tarixqa ige ikenlikini békitken.

Tomsk uniwérsitététining arxé'ologiye etret bashliqi dmitriy gorn bu su asitidiki sheherning eslide isiq köl boyidiki yipek yoli tügini ikenliki, lékin uzun yillardin kéyin köl süyining kötürülüshi bilen sugha chöküp ketkenlikini bildürgen.

Qirghizistan tarixchisi ploskix, su astidiki sheher xarabisidin déhqanchiliq medeniyitige a'it buyumlar tépilghanliqi, mis we tuch qorallar we bashqilar barliqini körsitip, issiq köl boyida qedimki dewrlerde peqet köchmenler medeniyiti höküm sürgen déyishning toghra emesliki, bu yerde qedimki olturaq medeniyet mewjutluqini ilgiri sürgen.

Qirghizistan alimliri ilgirila issiq köl astigha chöküp ketken qedimki sheher xarabisi barliqini otturgha qoyushqan, hetta bu sheherning miladidin ilgiriki waqitlarda güllen'gen uysunlar shehiri bolushi mumkinlikini perez qilishqa idi.

Tarixchilar Uyghur élining tarim deryasining shimali qismi bilen uchturpanning bedel art tagh éghizi arqiliq issiq köl boyliri arisida qedimdinla zich alaqe ornitilganliqini qeyt qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet