Réyna kulubi qatili öz ishlirini iqrar qilghan

Muxbirimiz ümidwar
2017-01-18
Share

Türkiye metbu'atliridin t r t awazi radiyosi we bashqilarning xewer qilishiche, istanbuldiki réyna kéchilik kulubqa hujum qilip 39 kishini öltürgen térrorchi 16-yanwar küni qolgha chüshüsh jeryanida saqchilargha “Méni öltürmenglar!” dep yalwurghan.

Xewerlerde qeyt qilinishiche, abduqadir masharipof isimlik mezkur qatil öz jinayitini étirap qilip, saqchilargha hujumni qandaq pilanlighanliqi hem weqedin kéyin némilerni qilghanliqi, özining iran arqiliq süriyege barghanliqi we bashqilarni bir-birlep sözlep bergen. Uning éytishiche, ular aldi bilen istanbul merkizidiki taksimda hujum élip bérishni pilanlighan bolsimu, emma u yerdiki bixeterlik tedbirining yuqiriliqidin pilanini özgertken iken.

Réyna kulubi hujumchisining ottura asiyaliq ikenlikige a'it uchurlargha Uyghurlar we ottura asiya döletliri yéqindin diqqet qilip, sezgür mu'amile qilghan idi.

B b s agéntliqining xewer qilishiche, réyna hujumini sadir qilghuchining özbékistanliq ikenliki élan qilin'ghandin kéyin, özbékistan hökümiti terep bu mesilide süküt qilghan. Özbékistan ichki ishlar ministirliqi türkiye terep bu mesilide resmiy bir melumat sorap muraji'et qilmighanliqini bildürgen, emma azadliq radiyosining xewiride déyilishiche, özbékistan istixbarat orgini tutulghan térrorchigha a'it ehwallarni teqip qiliwatqanliqini bildürgen.

Melum bolushiche, abduqadir masharipof özbékistanning qoqan shehirilik bolup, 6 yil ilgiri wetinidin ayrilghan iken.

“Ottura asiya xewerliri” torining yézishiche, qirghizistan tashqi ishlar ministirliqi türkiye axbaratlirida peyda bolghan abduqadir masharipof bilen birge qirghizistan puqrasiningmu tutulghanliqigha a'it xewerni inkar qilghan. Istanbul waliysi wasip shahinmu tutulghanlar ichide qirghizistan puqrasi barliqigha a'it peyda bolghan xewerning natoghriliqini körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet