Yéngi yil kéchisi istanbulda térrorluq hujumi yüz bérip 39 adem étip öltürülgen, 69 adem yarilan'ghan

Muxbirimiz qutlan
2017.01.02
Share on WhatsApp
Share on WhatsApp

Yéngi yil kéchisi istanbuldiki bir kéchilik kulubta térrorluq hujumi yüz bérip, pütkül türkiye shundaqla dunya jama'itini yene bir qétim sarasimge salghan.

Anadolu xewer agéntliqining bildürüshiche, yéngi yil kirgen kéchisi sa'et 01:15 ötkende aptomatik qoral tutqan salahiyiti namelum bir kishi istanbulning ortaköy rayonidiki bir kéchilik kulubqa basturup kirip, kishilerni qirghin qilghan.

Tuyuqsiz yüz bergen bu térrorluq hujumida jem'iy 39 kishi étip öltürülgen, 69 kishi yarilan'ghan. Türkiye adalet ministirliqining bildürüshiche, oqta ölgen 39 kishining kimliki éniqlan'ghan bolup, ularning 27 nepiri chet'ellik, 11 nepiri türkiyelik iken. Bir neper ölgüchining salahiyiti téxiche melum emesken.

Türkiye prézidénti rejep tayyip erdoghan weqedin kéyin inkas derhal qayturup, “Türkiyening térrorluqqa qarshi küreshni axirighiche dawamlashturidighanliqi” ni bildürgen.

Melum bolushiche, kimliki téxiche ashkarilanmighan térrorchi 5 diska oq étip, pütün meydanni qan'gha boyighandin kéyin neq meydandin ayrilghan. Ölgenler ichide bir neper saqchining barliqi melum. Térrorchining kimliki, dölet we millet teweliki heqqide awam arisida türlük qiyasiy texminler otturigha chiqiwatqan bolsimu, emma türkiye hökümet terep qéchip ketken térrorchining kimliki heqqide hazirghiche éniq uchur bermigen.

Bu qétimliq térrorluq hujumi buningdin 3 hepte ilgiri istanbulda yüz bergen, jem'iy 45 kishi ölgen adem bomba hujumidin kéyin pütün türkiyeni zilzilige salghan yene bir qétimliq zor térrorluq weqesi iken.

Türkiye bash muptisi mehmet görmez bu munasiwet bilen bayanat élan qilip, térrorluq hujumini qattiq eyibligen. Bayanatta mundaq déyilgen: “Yéngi yil kirip bir sa'et ötkende yüz bergen bu térrorluq hujumi dölitimizni chongqur azabqa chömdürdi. Insanliqqa yat bolghan bundaq qirghinchiliq meyli bazarda, meyli köngül échish sorunlirida yaki ibadet orunlirida yüz bérishidin qet'iynezer hemmisi oxshashla térrorluq qilmishidur. Uninggha héchkim chidap turalmaydu.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.