Istanbul réyna kechlik kulub hujumchisining ayalimu da'ésh ezasi iken

Muxbirimiz erkin
2017.02.03

Yéngi yil kéchisi türkiyening istanbul réyna kechlik kulubigha hujum qilip, 39 ademni öltürgen “Islam döliti”‏-da'éshning özbékistanliq ezasi abduqadir masharipofning ayaliningmu da'ésh ezasi ikenliki we uning hujumdin xewerdar ikenliki ilgiri sürüldi.

Türkiye “Höriyet géziti” ning jüme küni xewer qilishiche, türkiye teptish da'iriliri masharipofning ayali zarinani öz ichige alghan 11 gumandarni resmiy qolgha élishni telep qilip, mehkimige yollighan.

“Höriyet géziti”ning xewiride yene, mehkimige yollan'ghan bu 11 kishining ichide zarinadin bashqa meytibaké tusunmeyti Maitibake Tusunmaiti‏, adili salimu Adili Salimu, islam magémadof Islam Magemadov, bextiyar abdurashitof Bakhtiiar Abdurashidov, meymeyti jumeyniyazi Maimaiti Jumainiyazi qatarliq kishilerning barliqini bildürdi.

“Höriyet géziti” ning qeyt qilishiche, meytibaké tusunmeyti istanbuldiki bir mexpiy da'ésh qonaq öyini axurghanda chiqqan 159 ming dollar bilen qolgha élin'ghan. “Höriyet géziti”ning xewiride yene, jümeyniyazining da'éshning istanbuldiki 12 mexpiy qonaq öyige mes'ul kishi ikenlikini ilgiri sürdi.

Bezi közetküchiler, adili salimu, meytibaké tusunmeyti, meymeyti jumeyniyazi qatarliq kishilerning ismigha qarap, ularning xitay puqrasi yaki saxta xitay pasporti ishletken bashqa el puqraliri bolushi mumkinlikini qeyt qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.