Хитай һөкүмити "җасуслуққа қарши хәвпсизлик ишлири низами" ни елан қилди

Мухбиримиз әзиз
2021-04-26
Share

Хитай һөкүмити йеқинда "җасуслуққа қарши хәвпсизлик ишлири низами" ни елан қилип, мәзкур низамниң 26-апрелдин башлап иҗра қилинидиғанлиқини җакарлиди.

Хитай һөкүмити башқурушидики шинхуа агентлиқиниң 26-апрелдики хәвиридә ейтилишичә, дөләт бихәтәрлик органлири идариләрниң характери, мәхпийәтлик дәриҗиси қатарлиқ амиллар асасида һәрқайси идарә-органларниң өз мәхпийәтликини қәтий сақлиши, җасуслуққа ятидиған барлиқ қилмишларға қанун бойичә зәрбә бериши, шундақла бу җәһәттә йүксәк мәсулийәтни үстигә елиши лазим икән.

Өткән мәзгилләрдә уйғур дияридики бир қисим идарә органлириниң лагерлар мәсилиси, мәҗбурий әмгәк, пиланлиқ туғут қатарлиқ саһәләргә четилидиған барлиқ учурларни "дөләт мәхпийити" қатарида бир яқлиқ қиливатқанлиқи мәлум болған иди. Йәнә келип чәтәлләрдики мутәхәссисләрниң уйғур дияридики сиясий бастурушқа мунасивәтлик көплигән әмгәклири хитай һөкүмитигә қарашлиқ һәрқайси идариләр елан қилған һөҗҗәтләрни мәнбә қилғаниди. Әмдиликтә бу йеңи низамниң елан қилинишини болса бир қисим анализчилар хитай һөкүмитиниң барлиқ учурларни техиму қаттиқ контрол қилиш, шу арқилиқ дөләт органлириниң хизмәт тәрәққиятини техиму мәхпий тутуш урунушиниң ипадиси, дәп қаримақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт