Androyid yaman gherezlik "Jasusluq herikiti" yumtali Uyghurlarni nishan qilghaniken

Muxbirimiz erkin
2020-06-15
Élxet
Pikir
Share
Print

Tetqiqatchilar "Yershari émpusa" namliq bir tor jasusluq guruppisining saxta tor betliri arqiliq jasusluq yumtali yollawatqanliqi, bu yumtalning Uyghurlarni nishan qiliwatqanliqini agahlandurghan. "Xeter pochtisi" namliq tor bétining xewer qilishiche, tetqiqatchilar "Jasusluq herikiti" dep atalghan bir xil yéngi androyid jasusluq yumtalini bayqighan. Bu jasusluq yumtali saxta tor betliri arqilqi kishiler köp kiridighan tor béketlirige yollinip, shu yerdin nishandiki tor betlirige kiridiken. Xewerde, tetqiqatchilarning mezkur jasusluq yumtali Uyghur shahitlirini nishan qilghan, dep qarawatqanliqini bildürgen.

Bu yumtalni "Trand michro" namliq tor bixeterlik teshkilati bayqighan. Uning yéqinda élan qilghan bu heqtiki analizida qeyt qilinishiche, ular mezkur jasusluq yumtali bu yil 4-ayda bayqalghan bolsimu, lékin uning az dégende yéqinqi 3 yildin béri mewjut ikenlikini ilgiri sürgen. Xewerde bayan qilinishiche, "Trand michro" tor bixeterlik teshkilatidiki tetqiqatchilar bu yumtalning "Bir xil andro'id jasusluq yumtali" ikenliki, u "Tor hujumchisining bixeterliki tedbirliri ajiz tor esliheliridiki uchurlarni oghrilishigha imkan yaritip béridighanliqi" ni bildürgen.

Xewerde tekitlinishiche, tetqiqatchilar yene bu xil jasusluq yumtalining türkiyediki xewer tori we siyasiy partiyelerning tor béketlirige orunlashturulup, shu yerdin bashqa tor betlirige hujum qilghanliqi, bu usulni teywendiki uniwérsitét we sahayet sherketlirining tor betliridimu qollan'ghanliqini bildürgen. Chet'eldiki Uyghur teshkilatliri we pa'aliyetchilirining tor békiti, shexsi élxet izchil xitay tor buzarlirining hujum nishani bolup keldi. Ular ilgiri dunya Uyghur qurultiyining tor békitini bir qanche qétim palech halgha chüshürüp qoyghan idi.

Toluq bet