Jewher yéngi xizmet ornigha atlandi

Muxbirimiz eziz
2020-09-01
Élxet
Pikir
Share
Print

Yillardin buyan xitay türmisidiki Uyghur ziyaliysi ilham toxtining dewasini qilip kéliwatqan uning qizi, Uyghur pa'aliyetchi jewher ilham yéqinda washin'gton shehiridiki "Kommunizm qurbanliri xatire fondi" gha resmiy xizmetke chüshti.

Mezkur fond jem'iyetning tor bétide 31-awghust élan qilin'ghan xewerde éytilishiche, Uyghurlarning gherb dunyasidiki awazlirining birige aylan'ghan jewher 2013-yilidin buyanqi dewagerlik, oqush we xizmet tejribiliri asasida köp qétimlap Uyghurlar heqqidiki pa'aliyetlerge qatnashqan. Jümlidin amérika we yawropadiki köp qisim dölet rehberliri bilen uchrishish, köpligen dunyawi axbarat wasitilirining ziyaritini qobul qilish jeryanida dadisining hemde Uyghurlarning nöwettiki weziyiti hemde Uyghurlar duch kéliwatqan zulumlar heqqide söz qilghan.

Mezkur jem'iyetning re'isi mari'on simit bu heqte söz qilip "Fond jem'iyitimiz jewher ilhamni qarshi alidu. Uyghurlar duch kéliwatqan qirghinchiliqqa qarita dunya téxi yéterlik inkas qayturmighan ehwalda u halda dadisining, Uyghurlarning hemde kommunizmning heqiqiy ehwalini téximu köp kishilerge anglitidu" dédi.

Toluq bet