Җон кәрий бейҗиңда: "хәлқимиз вә иттипақдашлиримизни шималий корийә тәһдитидин қоғдаш үчүн һәрқандақ йолни қоллинимиз" деди

Мухбиримиз шөһрәт һошур
2016-01-27
Share

Чаршәнбә күни бейҗиңда давам қилған америка-хитай алий рәһбәрлири учришишида икки тәрәп шималий корейәни ядросизлаштуруш мәсилисидә өз -ара һәмкарлишишқа келишкән, әмма, шималий корейәни қандақ җазалаш мәсилисидә пикир бирлики болмиған.

Учришишта америка дөләт ишлири министири җон кәрий, америкиниң өз хәлқи вә иттипақдашлирини шималий корейә тәһдитидин қоғдаш үчүн зөрүр тепилған һәрқандақ қәдәмни басидиғанлиқини оттуриға қойған.

Хитай ташқи ишлар министири ваң йи хитайниң шималий корейә мәсилисидики б д т ниң йеңи қарарини қоллайдиғанлиқини, қоллинишқа тегишлик җазаларни музакирилишидиғанлиқини билдүргән, әмма һәрқандақ бир хәлқара җазаниң мәвҗут вәзийәтни техиму җиддийләштүрүшкә қутратқулуқ қилип қоймаслиқи керәкликини әскәрткән.

Нөвәттә ядро қораллири техи қолида болмиған иранға қоллиниливатқан җазаға қариғанда, тәһдити ашкара давам қиливатқан шималий корейәгә қаритилған җазаниң аз болуватқанлиқини тилға алған җон кәрий: "бу йәрдә тәһдиткә дуч келиватқини америка, шуңа ишқа алаһидә җиддий қарилиши керәк" дегән вә америкиниң мәзкур вәзийәтни җиддийләштүрүшни халимайдиғанлиқини, әмма зөрүр тепилса һәрқандақ бир таллашни чәткә қақмайдиғанлиқини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт