Канаданиң ванкоувер шәһиридә «әпәнди» намлиқ бир уйғур ресторани ечилған.

Мухбиримиз җүмә
2016-07-03
Share

Канадада чиқидиған әң чоң һәптилик журнал «җорҗийә боғузи» да хәвәр қилинишичә, 130 кишилик бу ресторан бу йил 28 - май ванкоуверниң киңсвәй йолиға рәсмий ечилип, ишқа киришкән.

Ресторан хоҗайини мукәррәм нурҗанниң журнал мухбириға ейтишичә, у канадаға кәлгән буян өз кимликини тонуштурушта, шәһәрдә һалал вә уйғурчә таамларни тепишта қийналғанлиқи үчүн ата - аниси нурҗан қасим вә асимгүл турдилар билән бирлишип мәзкур ашханини ечиш қарариға кәлгән.

Хәвәргә қариғанда, уларниң аилиси 2011 - йили үрүмчидин келип канадаға йәрләшкән болуп, улар мәзкур ресторан арқилиқ шәһәрдики уйғурлар җәмийәт сүпитидә йиғилидиған, ана тилини мәшиқ қилидиған бир сорун һазирлашни мәқсәт қилған икән.

Мукәррәм дадисиниң өз тили вә мәдәнийитиниң йоқилип кетишидин әндишә қилидиғанлиқи вә өзлириниң бу ресторан арқилиқ уйғурларни билмәйдиған кишиләр билән уйғур мәдәнийити вә таамлирини ортақлишиш арзуси барлиқини билдүргән.

Хәвәрдә нәқил қилишичә мукәррәм адаққи мәқситиниң ванкоуверлиқларға уйғурларни тонутуш икәнликини билдүрүп: «мәқситимиз кишиләргә бизниң бир меһрибан, пакиз вә есил кишиләр икәнликимизни көрситиш һәмдә туйғуларниң тәрбийә көргән гүзәл мәдәнийәткә игә хәлқ икәнликни билдүрүш» дегән.

Нөвәттә ресторанда, қолда қилинған ләңмән, кишмиш селинған полу, кавап, манта чөчүрә қатарлиқ асаслиқ уйғур тамақлиридин башқа, қетиқ, сериқ аш қатарлиқ соғуқ йемәкликләрму бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.