Kanada bash ministiri xitayning shinjanggha alaqidar émbargosini "Qobul qilghili bolmaydu" dédi

Muxbirimiz erkin
2021-03-29
Share

Kanada bash ministiri jastin trudé'o xitayning 27-mart ikki neper amérika emeldari bilen kanada parlamént ezasi maykil chonggha émbargo qoyghanliqini tenqidlep, xitayning herikitini "Qobul qilghili bolmaydighanliqi, shuningdek kishilik hoquqni qoghdashni dawamlashturidighanliqi" ni bildürgen. Kanadadiki "Döletlik pochtisi" gézitining xewer qilishiche, trudé'o 27-mart twéttirda uchur yollap, xitayning émbargosigha inkas bildürgen.

U xitayning émbargosi "Qobul qilghili bolmaydighan heriket ikenliki" ni tekitlep, "Biz xelq'ara shériklirimiz bilen birge dunyaning her qaysi jaylirida kishilik hoquqni dawamliq qoghdaymiz" dégen. Kanada parlamént ezasi, parlamént tashqi ishlar we xelq'ara tereqqiyat komitétining mu'awin re'isi maykél chong kanada parlaméntining bu yil 22-féwral xitayning Uyghurlargha tutqan mu'amilisini "Irqiy qirghinchiliq" dep étirap qilishida halqiliq rol oynighan siyasiyon.

Kanada axbarat shirkitiCBC ning xewer qilishiche, maykél chong27-mart twéttirgha yollighan uchurida xitayning uninggha qoyghan jazasini "Bir sherep belgisi süpitide taqap yüridighanliqi" ni bildürgen. U: "Biz démokratik döletlerde qanun bilen erkin yashaydighanlar awazsizlar üchün sözlishimiz kérek. Eger xitay buning üchün manga émbargo yürgüzgen bolsa, men buni sherep belgisi süpitide taqap yürimen" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet