Kanada kishilik hoquq muzéyida "Xitaydiki irqiy qirghinchiliq" körgezmisi ötküzülidiken

Muxbirimiz jewlan
2021-04-21
Share

"Yer shari pochta géziti" ning xewer qilishiche, kanada muzéyi peyshenbe küni tor arqiliq "Xitaydiki irqiy qirghinchiliq" körgezmisi ötküzidiken.

Kanada bash ministéri jastin trodo we uning hökümitidikiler gerche xitayning jinayitini "Irqiy qirghinchiliq" dep jakarlashni xalimaywatqan bolsimu, kanadadiki ammiwi organlar we shirketlerning bu jehette aktip pa'aliyet qilishini tosup qalalmighan.

Kanada taj shirkiti kanadaning winipég shehirige jaylashqan kanada kishilik hoquq muzéyida peyshenbe küni (22-aprél) intérnét arqiliq bir meydan körgezme uyushturup, xitayning Uyghurlargha yürgüzüp kéliwatqan irqiy qirghinchiliqini körsitidiken. Bu pa'aliyetke gérmaniyetlik tetqiqatchi adriyan zénizmu qatnishidiken.

Adriyan zéniz peyshenbe künidiki bu körgezmining uning tetqiqat netijilirini körsitishte yaxshi bir purset ikenlikini bildürüp mundaq dégen: "Kanada kishilik hoquq muzéy bu yerde muhim rol oynaydu, chünki u kishilerni terbiyeleydu, yeni kélip bu muzéyda ötmüshtiki qebih jinayetlerge da'ir köpligen melumatlar bar".

Xewerde bildürülüshiche, taj shirkiti bu pa'aliyetni ötküzüshte kanada hökümiti bilen ariliq saqlighan we ularning ruxset bérishini telep qilmighan. Buningdin ilgiri kanada awam palatasi xitayning jinayitini "Irqiy qirghinchiliq" dep jakarlashni awazgha qoyghanda trodo bashliq 30 neper hökümet emeldari waz kéchish béliti tashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet