Хамилтон тамашибинлири: "канада парламенти хитайниң уйғур ирқий қирғинчилиқини етирап қилип тоғра қилди"

Мухбиримиз әркин
2020-10-30
Share

Канададики "хамилтон тамашибинлири" гезити тәһрират мақалиси елан қилип, канада парламентиниң хитайниң уйғурларға ирқий қирғинчилиқ йүргүзүватқанлиқини етирап қилип тоғра қилғанлиқи, уйғурларниң канаданиң ярдимигә еһтияҗлиқ икәнликини билдүргән. "хамилтон тамашибинлири" ниң тәкитлишичә, нөвәттә канада хитай әмәлдарларлириға ембарго йүргүзүши, техиму көп уйғур мусапирлирини қобул қилиши вә 2022-йиллиқ бейҗиң қишлиқ олимпик мусабиқисигә қатнишиш яки қатнашмаслиқни ойлишиши керәк икән.

"хитайдики аз санлиқ милләт болған уйғурлар канаданиң ярдимигә еһтияҗ" мавзулуқ тәһрират мақалисидә: "хитай һөкүмити уйғур мусулман аз санлиқ миллитигә ирқий қирғинчилиқ йүргүзүватиду. Канада парламенти өткән һәптә буни ‹ирқий қирғинчилиқ' дәп етирап қилип, пүтүнләй тоғра қилди," дейилгән. Мақалидә тәкитлишичә, хитай һөкүмитиниң уйғурларға қиливатқанлири б д т ниң ирқий қирғинчилиқ тәбириниң аз дегәндә бир маддисиға чүшүдикән.

Мақалидә бейҗиңниң әмәлийәттә уйғурларни бир пүтүн хәлқ сүпитидә йоқитишқа, аз дегәндә бир қисмини болсиму йоқитишқа урунуватқанлиқи тәкитлинип: "канада үчүн һазирқи әң реал мәсилә униң қандақ қилишидур." дейилгән. "хамилтон тамашибинлири" ниң тәкитлишичә, канада буниңға қарита охшаш пикирдики дөләтләр билән хитай әмәлдалририға виза вә малийә ембаргоси йүргүзүши, техиму көп уйғур мусапирлирини қобул қилиши, канада федерал һөкүмити 2022-йиллиқ беҗиң қислиқ олимпик мусабиқисигә қатнишиш яки қатнашмаслиқни ашкара музакирә қилиши керәк икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт