Хәлқара кәчүрүм тәшкилати: сүрийә һөкүмитиниң бир һәрбий түрмисидә 13 миң адәм мәхпий өлтүрүлгән

Мухбиримиз әркин
2017-02-07
Share

Хәлқара кәчүрүм тәшкилати сәйшәнбә күни доклат елан қилип, сүрийә һөкүмитиниң сайдная һәрбий түрмисидә 13 миң адәмни мәхпий дарға есип өлтүрүлгәнликини билдүрди. Доклатта қәйт қилишичә, өлтүрүлгәнләрниң көп қисми өктичиләрни қоллайдиған пуқралар икән.

Доклатта, сайдная түрмисидики тутқунлар 2011‏-йилдин 2015‏-йилиға қәдәр һәр һәптиси коллектип дарға есилған. Хәлқара кәчүрүм тәшкилати, дарға есиш буйруқи юқири дәриҗилик сүрийә әмәлдарлири тәрипидин чүшүрүлгәнликини илгири сүргән. Сүрийә һөкүмити илгири тутқунларни өлтүргәнлики вә уларға қопал муамилә қилғанлиқини изчил рәт қилип кәлгән иди. Б д т кишилик һоқуқ мутәхәссислири буниңдин бир йил аввал гуваһчиларниң баяни вә бәзи һөҗҗәтлик дәлилләргә асасән миңлиған, он миңлиған пуқраниң тутқун қилинғанлиқи вә “кәң көләмлик коллектип өлтүрүш вәқәлири” ниң йүз бәргәнликини илгири сүргән иди.

Хәлқара кәчүрүм тәшкилати бу доклатни тәйярлашта сабиқ қоғдаш хадими, тутқун вә сайдная түрмисидә ишлигән әмәлдарлардин 84 кишини зиярәт қилған. Бу кишиләр, мәзкур түрмидә һәр һәптидә, арилап һәптидә икки қетим 20 дин 50 кечә тутқунниң коллектип дарға есилидиғанлиқини билдүргән. Лекин доклатта қәйт қилишичә, сүрийә һөкүмитиниң 2015‏-йили декабирдин кейин өлтүрүшни давамлаштурғанлиқиға даир дәлил болмисиму, әмма буни тохтатқанлиқиға ишинишкә һечқандақ сәвәб йоқ икән.

Хәлқара кәчүрүм тәшкилати буниң уруш җинайити вә инсанийәткә қарши туруш җинайитигә киридиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт