Xelq'ara kechürüm teshkilati xitay öktichining a'ile ezalirining tutqun qilin'ghanliqini tenqid qildi

Muxbirimiz erkin
2016-03-25
Élxet
Pikir
Share
Print

Xelq'ara kechürüm teshkilati jüme küni bayanat élan qilip, xitay re'isi shi jinpingni istépagha chaqirghan xitay öktichi wén yünchawning a'ile ezalirining tutqun qilin'ghanliqini tenqid qildi.

Hazir nyu-york shehiride turushluq wén yünchawning firansiye agéntliqigha bildürüshiche, xitay da'iriliri héchqandaq chüshenche bermey, uning gu'angdungdiki a'ile ezaliridin 3 kishini tutup ketken.

Da'iriler wén yünchawni bu yil 4‏-mart xongkongdiki melum tor bétide "Sadiq kompartiye ezalirining ochuq xéti" ni élan qilip, xitay re'isi shi jinpingni istépagha chaqirish weqesining arqisidiki kishilerning biri dep guman qilghan.

Xelq'ara kechürüm teshkilatining tetqiqatchisi wilyam niy jüme küni firansiye agéntliqigha bergen bayanatida, "Da'iriler u ochuq xetning arqisidiki gumanliq kishilerni teqib qilishtin waz kéchishi, uninggha chétilip tutqun qilin'ghan barliq kishilerni qoyup bérishi kérek" dégen.

Wilyam niy yene, "Öktichilerning a'ile ezalirini jazalash heddidin ashqanliq we qanunsiz taktika. U xitayning qanun bilen bashqurush teshebbusini bimenileshtüridu" dep tekitligen.

Xongkongda élan qilin'ghan ochuq xet derhal Uyghur aptonom rayonluq partkomning bashqurushidiki "Wujyé" namliq tor bétide köchürüp élan qilin'ghan. Bu ehwal nahayiti zor ghulghula qozghighan idi.

Xewerlerdin melum bolushiche, hazirgha qeder 16 kishi bu ochuq xetke chétilip tutqun qilin'ghan. "Wujyé" namliq bétining bir xadimi firansiye agéntliqigha, 4 xizmetdishining iz-déreksiz ghayib bolghanliqini bildürgen.

Toluq bet