Кеңәш палата әзаси кори гарднер хитайниң кишилик һоқуқ дәпсәндичиликини күчлүк әйиблиди

Мухбиримиз нуриман
2020-07-22
Share

22-Июл күни, америка кеңәш палата әзаси, кеңәш палатасиниң шәрқий асия, тинч окян вә хәлқара тор бихәтәрлик сиясити комитетиниң рәиси кори гарднер америка кеңәш палатасиниң ташқи мунасивәтләр комитетиниң гуваһлиқ йиғинида хитай компартийәсиниң уйғур мусулманлириға қаритилған кишилик һоқуқ дәпсәндичилики һәққидә алаһидә тохталди вә күчлүк тәнқид қилди.

Гуваһлиқ йиғинида 2018-йили имзаланған асияни капаләткә игә қилиш қануни (Asia Reassurance Initiative Act)ни хитайниң яман ғәрәзлик һәрикитини тосуш вә дунядики кишилик һоқуқни қоғдаш үчүн қоллиниш музакирә қилинди.

Кори гарднер: «хитайниң уйғур аптоном районидики уйғур мусулманлирини җаза лагерлириға солиши виҗданимизни зил-зилигә селиши, америка вә хәлқара җәмийәтниң күчлүк инкасини қозғиши керәк иди» дәп тәкитлиди.

Бу йил июнда америка президенти доналд трамп уйғур кишилик һоқуқ қанун лайиһәсигә имза қоюп, рәсмий қанунға айландурғаниди. Кеңәш палата әзаси кори гарднер мушу қанун лайиһәсини күчлүк қоллиған вә хитай әмәлдарлириға җаза йүргүзүшни тәләп қилғанларниң бири иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.