Xitay Uyghur élide kelgüsi 5 yil ichide yette yérim milyon adem qétim kespiy terbiyelesh élip baridiken

Muxbirimiz erkin
2022-04-25
Share

Xelq'arada milyonlighan Uyghur we bashqa musulman az sanliq milletlerni mejburiy emgekke sélish bilen eyiblinip jazalashqa duch kelgen xitay hökümiti, Uyghur élide kelgüsi 5 yil ichide yette yérim milyon adem qétim kespiy terbiyelesh élip baridighanliqini élan qilghan. “Tengritagh tori” qatarliq xitay taratqulirining xewer qilishiche, Uyghur aptonom rayonluq adem küchi bayliqi we ijtima'iy parawanliq nazariti yéqinda “Shinjang Uyghur aptonom rayonining kespiy téxnika terbiyeleshtiki 14-besh yilliq pilani” ni élan qilghan. Bu pilanda yette yérim milyon adem qétim kespiy terbiyelesh élip bérish otturigha qoyulghan.

Xitay taratqulirining éytishiche, 14-besh yilliq bu pilani yene 120 ming yuqiri maharetlik ixtisasliqlarni köpeytishni öz ichige alghan. Xitay hökümiti 2017-yildin bashlap “Kespiy terbiyelesh”, “Yötkep ishqa orunlashturush” namida milyonlighan Uyghur we bashqa musulman az sanliq milletlerni xitay karxanilirida mejburiy emgekke sélip, a'ililerni parchilighan we Uyghur jem'iyitining ijtima'iy qurulmisigha buzghunchiliq qilghan. Buning bilen amérika qanun chiqirip, Uyghur élide ishlepchiqirilghan mejburiy emgek mehsulatlirini chekligenidi. Közetküchiler, xitayning mezkur pilani uning rayondiki mejburiy emgek siyasitining 14-besh yilliq pilan mezgilidimu dawam qilidighanliqidin dérek béridighanliqini bildürmekte.

Xitay taratqulirining éytishiche, xitayning pilani ötken besh yilda érishken “Kespiy maharet terbiyesining muweppeqiyetlirini we tejribilirini etrapliq yekünlesh asasida, yéngi weziyet we yéngi wezipilerni analiz qilip, kespiy maharet terbiyesining teminlesh iqtidarini yuqiri kötürüsh, kespiy maharet terbiyesining süpiti, maharetlik ixtisasliqlarni terbiyelesh tereqqiyat muhiti we bashqa tereplerning tereqqiyat muhitini elalashturush” qatarliq jehetlerde birqatar tedbirlerni yolgha qoyush iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet