Xitay taratquliri barikölde “Kespiy maharet bilen terbiyelesh” yürgüzülüwatqanliqini xewer qildi

Xitay hökümitining Uyghur élida atalmish “Kespiy maharet bilen terbiyelesh” namidiki yighip lagérlargha solash we mejburiy emgekke sélish siyasitining oxshash dawam qiliwatqanliqi xitay taratquliri tarqatqan xewerlerdin ashkarilanmaqta.

Xitay xewerler tori 15-dékabir küni tarqatqan bir xewiride, “Qumulning bariköl nahiyeside bir kespiy maharet bilen terbiyelesh merkizide oqush bashlighanliqini, mektep oqughuchilirining tamaq étish, muhit asrash eslihelirini qollinish we bixeterlik bilimlirini ögen'genliki” ni xewer qilghan.

Xewerde yene atalmish “Téxnika terbiyelesh merkezliri” heqqide töwendikiler bayan qilin'ghan: “Bu yil bariköl nahiyelik téxnika mektipi yerlikning shara'itigha masliship ishqa orunlishishni asas qilip, dölet ortaq tili, siyasiti, kespiy maharet we emeliy téxnikilarni asas qilip, yéza emgek küchlirini we sheherlerdiki ishsizlarni terbiyelidi”

Xewerde yene, barikölde hazirghiche 65 terbiyilesh kursi tesis qilin'ghanliqi we hazir 1000 din artuq terbiyelen'güchining barliqi déyilgen.

Xitay hökümiti bundaq orunlarni kishiler öz ixtiyarliqi bilen kélip maharet öginidighan orun dep ilgiri sürsimu, emma amérika emgek ministirliqining xelq'araliq emgek mesililiri ishxanisi élan qilghan bu heqtiki doklatta, bu orunlarning mejburiy emgek lagérliri ikenliki, bu orunlarda kishilerning öz iradisige xilap halda tutup turulidighanliqi bayan qilin'ghanidi.

Yuqiridiki xewerdin, xelq'araning xitaygha qaratqan tenqidlirige qarimay bu siyasetning Uyghur élida dawam qiliwatqanliqi melum.