Уйғур районида 25 «кичик гигант» карханиси көпәйгән

Хитайчә «шинҗаң гезити» ниң 14-өктәбир хәвәр қилишичә, уйғур районидики карханиларниң 2020-йиллиқ «кичик гигант» кархана болуп баһалинишиниң нәтиҗиси 10-өктәбир елан қилинған болуп, буниңға 25 кархана талланған; буниң билән уйғур районидики «кичик гигант» карханиларниң сани 45 кә йәткән.

Хәвәрдә билдүрүлүшичә, «кичик гигант» карханиларниң «мәхсуслашқан болуш, нәпис болуш, алаһидә болуш, йеңи болуш» тәк 4 өлчими болуп, базар әһвалини инчикә көзитидиған болуш, йеңилиқ яритиш иқтидари күчлүк болуш, мәһсулатлириниң базарда игилигән нисбити юқири болуш, һалқилиқ техникиларни игилигән болуш, сүпәт вә үнүм җәһәттә башқа карханиларниң башламчиси болуш дегәндәк шәртләрни орунлиши керәк икән. Уйғур районида 2019-йилниң ахириғичә бундақ оттура, кичик типтики карханилар 378 гә йәткән болуп, буниң ичидә «кичик гигант» карханилардин 20 си таллинип чиққан.

Көзәткүчиләрниң қаришичә, хитай «бир бәлвағ бир йол» пиланини йолға қоюшта уйғур районини муһим хам әшя вә санаәт базиси қилған болуп, буниңға мас һалда чоң-кичик карханиларни көпләп қурған; бу җәрянда ишләпчиқиришни көләмләштүрүш, завутлаштуруш билән биргә сиясий бастурушни тәң елип берип, уйғурларниң иқтисадини вәйран қилип, арқидин уларни завут, карханиларда қул қилип ишләшкә мәҗбурлиған. Хитайниң уйғур районидики завут, карханилириниң тәрәққий қилишини уйғурларниң қан-тәрини сүмүрүш бәдилигә кәлгәнликидин айрип қариғили болмайдикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар