Kishilik hoquq közitish teshkilati tashqi dunyani adwokat jyang tyenyungning ehwaligha jiddiy diqqet qilishqa chaqirdi

Muxbirimiz erkin
2017-01-06
Share

Kishilik hoquq közitish teshkilati peyshenbe küni bayanat élan qilip, tashqi dunyani yéqinda qolgha élin'ghan ataqliq xitay kishilik hoquq adwokati jyang tyenyungning ehwaligha jiddiy diqqet qilishqa chaqirdi.

Kishilik hoquq közitish teshkilatining bildürüshiche, jyang tyenyungning türmide ten jazasi we bashqa kemsitish xaraktérlik mu'amililerge uchrash éhtimali bar iken.

Jyang tyenyung ötken yili 11‏-ayda changshada iz‏-déreksiz yoqap ketken. Kéyinrek uning xitay amanliq organliri teripidin " Hakimiyetni aghdurushqa qutratquluq qilish" bilen eyiblinip, changshadiki melum bir orunda tutup turuluwatqanliqi melum bolghan.

Emma, tashqi dunya uning ehwalidin hazirgha qeder héchqandaq uchur alalmighan idi. Jyang tyenyungning adwokati ötken yili 27‏-dékabir da'irilerdin uning bilen körüshüshni telep qilghan. Emma da'iriler adwokatning körüshüsh telipini ret qilghan idi.

Kishilik hoquq közitish teshkilati bayanatida yene, xitay hökümitini jyang tyenyungning ehwalini ashkarilashqa chaqirip, eger xitay hökümiti uning jinayet sadir qilghanliqigha da'ir xelq'ara birdek étirap qilghan ishenchlik bir pakitni otturigha qoyalmisa, uning adil we xelq'ara ölchemlerge layiq sotlinishini saqliyalmisa, uning derhal qoyup bérilishi kéreklikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet