Уйғур кишилик һоқуқ қурулуши: "хитайниң уйғурларни видеода сөзлитиши қорқутушқа ятидиған вә аилә иттипақлиқиға хилап қилмиштур"

Мухбиримиз әркин
2021-02-01
Share

Америкадики уйғур кишилик һоқуқ қурулуши 1-феврал доклат елан қилип, хитайниң ғайип уйғурларни видеода сөзлитип уларниң һаят икәнликини испатлашқа урунушини анализ қилған. Бу тәшкилатниң тәкитлишичә, хитайниң һәркити уйғурларни қорқутуш вә аилә иттипақлиқиға хилаплиқ қилмиши икән. Уйғур аптоном районлуқ һокумити 1-феврал бейҗиңда ахбарат йиғини өткүзүп, чәт әлдики "уйғур әдлийәси архипи" ға һуҗум қилған. Бәзи ғайип уйғурларни видеода созлитип, уларға озлириниң ғайип болғанлиқини инкар қилдурған, "уйғур әдлийәси архипи" ниң пүтүнләй ялған учур тарқатқанлиқини илгири сүргән иди.

Уйғур кишилик һоқуқ қурулуши бу һәқтики баянатида, бу видеониң чәт әлдики уйғур аилилирини техиму азаблайдиғанлиқи, видеодики кишиләрниң техиму вәһши җаза тәһдити астида сөзләшкә мәҗбур болғанлиқиниң ениқ икәнлики, чәт әлдики нурғун уйғурларниң шәрқий түркистандики қәдирданлири билән алақилишалмайватқанлиқи тәкитләнгән. Доклатта ейтилишичә, бу видео хитай һөкүмәт ахбаратиниң чәт әлдики уйғурларниң уруқ-туғқанлириға әркинлик тәләп қилиш һәркитигә қарши елип барған тәшвиқатиниң бир парчиси икән.

Доклатта йәнә бу видеода уйғурларға қарши садир қилиниватқан мәҗбури әмгәк, аилиләрни парчилаш, диний бастурушқа охшаш конкирет җинайәтләрниңму рәт қилинғанлиқини билдүргән. Доклатта ейтилишичә, бу видео чәт әлдики уйғурларға хата учур бериш, қорқутуш вә қорқунч селиш қорали болуп, уларға қәдирдан кишилириниң омумиййүзлүк контрол нишани икәнликини әслитиш, уларға очуқ-ашкара сөзлимәслик тоғрисида бесим ишлитишни мәқсәт қилған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт