Kishilik hoquqni közitish teshkilati yéngi zélandiye bash ministirini lagérlar mesilisini tilgha élishqa chaqirdi

Muxbirimiz shöhret hoshur
2019-03-29
Share

Xelq'ara xewerlerdin melum bolushiche, yéngi zélandiye bash ministiri jakinda ardérn xanim 1‏-aprél küni xitayni ziyaret qilidiken. Bügün kishilik hoquqni közitish teshkilati bir bayanat élan qilip, bash ministir ardérn xanimni ziyaret dawmida Uyghur rayondiki lagérlar mesilisini ashkara otturigha qoyushqa dewet qildi.

Jakinda xanim yéqinda yéngi zélandiyede yüz bergen térrorluq weqesige qarita heqqaniy meydani bilen xelq'ara jama'et ichide küchlük alqishqa sazawer bolghan idi.

Kishilik hoquqni közitish teshkilatining bayanatida jakinda xanimning mezkur weqede musulmanlarning heq-hoquqini qoghdashta oynighan xelq'arawiy bashlamchiliq rolini xitaydiki musulmanlarning kishilik hoquq mesilisidimu dawamlashturushi kérekliki tekitlendi.

Uyghur rayonida bir milyondin artuq türkiy tilliq musulmanlarning tutqunda ikenliki eslitilgen mezkur bayanatta bash ministir jakinda xanimdin xitay dölet rehberlirige bu "Siyasiy qayta terbiye merkezliri" ni taqash heqqide ashkara gep qilish we rayondiki kishilik hoquq depsendichilikini tekshürüsh üchün musteqil bir tekshürüsh guruppisining rayon'gha kirishige yol échish telep qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet