Уйғур кишилик һоқуқ қурулуши 5-июл үрүмчи қирғинчилиқиниң 12 йиллиқи мунасивити билән баянат елан қилди

Мухбиримиз ирадә
2021-07-02
Share

2009-Йили 7-айниң 5-күни йүз бәргән 5-июл үрүмчи қирғинчилиқиниң 12 йиллиқ хатирә күни мунасивити билән америкадики уйғур кишилик һоқуқ қурулуши баянат елан қилди.

Улар баянатида 5-июл үрүмчи қирғинчилиқи йүз бәргинигә 12 йил толған вә уйғурларға ирқий қирғинчилиқ йүргүзүлүватқанлиқиға 5 йил болған мушу мәзгилләрдә хәлқараниң һеч болмиғанда бу зулумдин қечип чиққан уйғур мусапирлар вә панаһланғучиларниң бихәтәрликигә капаләтлик қилиши керәкликини тәкитлигән.

Уйғур кишилик һоқуқ қурулуши иҗраийә директори өмәр қанат мундақ дегән: "дуня җамаити һеч болмиғанда уйғур мусапирлирини қутқузуши керәк. Америка дөләт мәҗлиси тездин уйғур кишилик һоқуқини қоғдаш қанунини мақуллиши керәк вә охшаш пикирдики дөләтләрму уйғур мусапирларни орунлаштуруш пиланини оттуриға қоюши керәк".

Уйғур кишилик һоқуқ қурулуши баянатида йәнә, 5-июл үрүмчи қирғинчилиқи вә униңдин кейинки бастуруш һәрикәтлириниң уйғурларни юртлирини ташлап қечишқа вә дуняниң һәрқайси җайлирида сәрсан-сәргәрдан болушиға йол ачқанлиқини, бирақ хитай һөкүмитиниң қолини чәтәлләргиму узитип, нурғун уйғурларни қайтуруп кетип дөләт һалқиған зулум билән шуғулланғанлиқини тәкитлигән.

Уйғур кишилик һоқуқ қурулуши йеқинда мушу һәқтә мәхсус елан қилған доклатида, 2014-йилдин башлап 20 дөләттин қайтуруветилгән1327 кишини архиплаштурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт