Хитайдики кишилик һоқуқ актиплири йиллиқ кишилик һоқуқ доклатини йезишқа қатнишишни тәләп қилди

Мухбиримиз җүмә
2013.07.31

Чаршәнбә күни хитайдики бир қисим әрздар вә кишилик һоқуқ актиплири хитай ташқи ишлар министирлиқи алдида намайиш қилип, хитайниң йиллиқ кишилик һоқуқ доклатини йезишқа қатнишини тәләп қилған.

BBC Да хәвәр қилишичә, бу нөвәт намайишқа қатнашқан кишиләр хитайниң йиллиқ кишилик һоқуқ доклатидин һөкүмәтниңла мәнпәәт алидиғанлиқини, әрздарларға охшаш хитайдики кишилик һоқуқ сияситиниң зиянкәшликкә учриғучиларниң садалириға орун берилмәйдиғанлиқини, шуңа йиллиқ доклат язғанда әрздарлар вә кишилик һоқуқ қоғдиғучилиридин топланған материялларниң йиллиқ доклатниң муһим мәнбәси болуши керәкликини тәләп қилған.

У лар йәнә, йиллиқ кишилик һоқуқ доклатини йезишқа қатнашқан һөкүмәткә органлириниң тизимлики вә исмини очуқ-ашкара елан қилишни тәләп қилған.

Мәзкур намайиш күнмиңда 18- нөвәтлик америка- хитай кишилик һоқуқ диалоги башланған пәйтләргә тоғра кәлди.

Һазирчә намайишниң қандақ нәтиҗиләнгәнлики вә намайишчиларниң нөвәттики әһвали намәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.