Imran xan: "Kishilik hoquqta tallap turup sözlesh exlaqsizliqtur!"

Muxbirimiz eziz
2021-10-12
Share

Ötken birnechche yildiki oxshimighan axbarat wasitilirining Uyghurlar heqqidiki ortaq so'allirigha qarita gep yorghilitip xitayni eyibleshtin özini tartip kelgen pakistan bash ministiri imran xan yéqinda gherb dunyasini eyiblep: "Kishilik hoquqta tallap turup sözlesh bir türlük exlaqsizliq" dégen. U bu sözni hindistan kontrolluqidiki keshmir teweside hindilarning musulmanlargha hujum qilish weqelirini eyiblimigen amérika emdilikte Uyghurlar mesilisini kötürüp chiqiwatidu, dégen menide éytqan.

"Pakistan heptilik xewerliri" ning 11-öktebirdiki obzor maqaliside éytilishiche, imran xan "Ottura sherq közi" zhurnilining ziyaritini qobul qilghanda: "Bizning xitay bilen bolghan munasiwitimizde öz'ara chüshinish mewjut. Hazir biz bu mesilini yépiq shekilde muzakire qiliwatimiz. Chünki bu ularning tebi'iti we medeniyiti", dégen. Pakistanning taliban hakimiyiti bilen bolghan qoyuq hemkarliq munasiwiti heqqide gep bolghanda bolsa buning "Pakistanning küchler késishken nuqtidiki ornini kücheytishni meqset qilidu" dégen. Shundaqla 300 ming kishilik afghanistan milliy armiyesining talibanlargha urushmayla teslim bolghanliqigha pakistanning jawabkar emeslikini alahide tekitligen.

Emma awstraliyelik axbaratchi s. J. Wérlémen özining Uyghurlar duch kéliwatqan qirghinchiliqqa musulman döletlirining süküt qilishini eyiblesh mezmunidiki maqaliliride köp qétim imran xanni "Heqiqiy menidiki ikki yüzlimichi rehber" dep eyibligenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet