Әркинлик сарийи җон кәрийни мәркизи асия дөләтлиридә кишилик һоқуқни оттуриға қоюшқа чақирди
Кишилик һоқуқ тәшкилати-әркинлик сарийи баянат елан қилип, америка дөләт ишлар министири җон кәрийниң мәркизи асия дөләтлирини зиярәт қилғанда кишилик һоқуқни тәкитлишини тәләп қилди.
Америка дөләт ишлар министирлиқи 3 күн аввал җон кәрийниң вийенна 29-өктәбир башлинидиған сүрийә мәсилиси һәққидики хәлқара йиғинниң түгитип,3-ноябирға қәдәр қазақистан, түркмәнистан, өзбекистан, таҗикистан, қирғизистан қатарлиқ 5 мәркизи асия дөлитигә зиярәткә чиқидиғанлиқини билдүргән иди.
Әркинлик сарийиниң баянатида мәзкур органниң муавин президенти роберт һерман җон кәрийниң “мәркизи асия зиярити униң бу әлләрдики хәлққә сиясий көп қутуплуқ мәсилисини оттуриға қоюши үчүн қиммәтлик пурсәт” дегән.
Әркинлик сарийи баянатида йәнә, “у өз ара вә аммиви сорунларда америкиниң мәркизи асия хәлқиниң сөз әркинликини, өз рәһбәрлирини әркин һәм адил сайлам арқилиқ сайлишини қоллайдиғанлиқини ениқ ипадилиши керәк” дәп көрсәткән.
Бу җон кәрийниң америка дөләт ишлар министирлиқ вәзиписини атқуруп келиватқандин буян тунҗи қетим мәркизи асия дөләтлирини зиярәт қилишидур.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
