Kitab sodigirining béshigha kiydürülgen qara xalta xongkongluqlarning musteqilliq arzusini kücheytken

Muxbirimiz shöhret hoshur
2016.06.22
Share on WhatsApp
Share on WhatsApp

Firansiye axbarat agéntliqining xewer qilishiche, yekshenbe küni xongkongda yene bir musteqilliq partiyesi qurulghan.

Britaniye hakimiyitige qaytish ittipaqi namida qurulghan bu partiyening bashliqi billy chyu ependi bügün muxbirlargha qilghan sözide, en'gliye qoynigha qaytishning bir öteng ikenlikini, axirqi pellisining bolsa musteqilliq ikenlikini élan qilghan. Xewerde déyilishiche, bu, yéqinqi aylarda xongkongda qurulghan musteqilliq ghayisidiki ikkinchi partiye iken. Bu yil mart éyida qurulghan “Xongkong milliy partiyisi” özining qurulush sewebini xongkongda éship bériwatqan musteqilliq arzusigha baghlap chüshendürgen.

Firansiye agéntliqining bügünki bu heqtiki xewiride, xongkongda musteqilliq arzusining küchiyishige besh neper kitab sodigirining ghayibliq weqesining tesir qilghanliqi eskertilgen. Xewerde yene déyilishiche, qoyup bérilgen besh neper kitab sodigiridin biri bolghan lam wingki ötken hepte öz kechmishliri heqqide axbaratqa melumat bérip özining tutulghan chéghida béshigha qara xalta kiydürülgenlikini tilgha alghan.

Uyghur rayonidin élin'ghan uchurlardin we közetküchilerning mulahiziliridin melum bolushiche béshigha qara xalta kiydürüsh xitay dölet bixeterlik küchlirining gumandarlarni qorqutush we jem'iyette wehime peyda qilish tedbiri bolup, bu tedbir Uyghur rayonida hettaki atalmish qanunsiz ün-sin buyumi körgen ayal gumandarlarghimu qollinilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.