Brét stéféns: “Kommunizm ümidige aldanmasliqimiz lazim!”

Dunyadiki kommunizm herikitining jenggahliridin bolghan rusiyede sotsiyalizm ornitishni meqset qilghan “Öktebir inqilabi” partlighanliqining 100 yilliq xatiriside amérikidiki “Nyu york pochtisi” gézitining obzorchisi prét stéféns maqale élan qilip, téxiche kommunizm ghayisige mestxush bolup yürgenlerni oyghinishqa chaqirdi.

Maqalide körsitilishiche, stalin dewridin bashlap kommunistik tüzüm astida milyonlighan kishiler “Tazilan'ghan”, qirim tatarliri yurtliridin heydep chiqirilghan, bréjnéw dewride bolsa sansizlighan öktichiler qiynaqta hayatidin ayrilghan. Xitaydiki “Chong sekrep ilgirilesh” herikitimu shuninggha oxshash netije körülgen. Emma bu qilmishlarning hemmisini da'iriler “Acharchiliq” ning netijisige dönggep qutulghan.

Aptorning bayan qilishiche, köpligen kishiler hélihem kommunizm bilen natsistliqning bir-biridin tüptin perqliq ikenlikide ching turmaqta iken. Ularning pikriche kommunizmda sinipiy öchmenlik tekitlense, natsistliqta irqiy öchmenlik muhim orun tutidiken. Ular shu arqiliq kommunizm dunyasidiki zulum we zor kölemlik qirghinchiliqni aqlash mewqeside iken.

Aptor özining bu xil qarashqa qoshulmaydighanliqini bildürüp, hélihem zor sandiki ziyaliylar we siyasiyonlarning ashu xildiki kommunizm térrorluqi we hakimmutleqliqige hewes qilip kéliwatqanliqini, halbuki buning insaniyetning kelgüsi üchün zor bala-qaza bolush mumkinlikini tekitleydu.

Aptor axirida yershari ahalisining üchtin bir qismini qul qilghan hemde shu insanlarni cheksiz azab-oqubetke muptila qilghan kommunizm dunyasining urushsiz gümürülüp chüshkenlikini körüp turuqluq, hazirqi zaman insanlirining bu tüzümni eyibleshtin dajiwatqanliqini tenqidleydu. Shuningdek ashu tüzümning qurbanlirigha hésdashliq qilish lazimliqini tekitleydu.