Xitay da'iriliri Uyghur élining her qaysi sheher-bazarlardiki 1526 "Kona mehelle" ni buzup özgertishke bashlighan

Muxbirimiz erkin
2021-07-12
Share

Xitay da'iriliri "Ammigha qolayli'eq yaritish" namida Uyghur élidiki kona mehellilerni chéqip, binalashturushni dawamliq kéngeytmekte. "Shinjang géziti" ning ashkarlishiche, da'iriler bu yil Uyghur élidiki 1526 "Kona mehelle" ni chéqip ‍özgertishke bashlighan.

Xitay da'irilirining mezkur pilani Uyghur teshkilatliri teripidin Uyghurlarning en'eniwiy yashash muhitini ‍özgertip, ularning medeniyiti, en'eniwiy ‍ijtima'iy alaqe tori, nupus zichliqini tarqaqlashturushni meqset qilghan "Mediniyet qirghinchiliqi" siyasitining bir parchisi, dep eyiblinip kelmekte.

"Shinjang géziti" ning éytishiche, bu yilliq "Kona mehelliler" ni chéqish pilani 210 ming 430 a'ilige chétilidighan bolup, buning 92.6 Pirsentide qurulush bashlan'ghan. Xitay hökümiti 2017-yili Uyghurlargha qarita chong tutqun bashlap az dégende bir milyon 800 ming kishini lagér, türmilerge qamash bilen bir waqitta yene Uyghurlar zich olturushluq en'eniwiy tarixiy yéza-kentler, mehellilerni "Tereqqiyat" we "Ammigha qolayliq yartitish" namida chéqip tashlap, ahalilarni binaliq öylerge köchürgen.

Xewerde éytilishiche, Uyghur aptonom rayonliq qurulush nazaritining pilani bu yil ‍ichide 1714 "Kona mehelle" ni özgertish bolup, bu 230 ming 150 a'ilige chétilidiken. Buning bilen bu yil ögertilidighan "Kona mehelliler" ötken yilqidin 57.2 Pirsent, uninggha chétishliq a'ililer 19.7 Pirsent artqan. Kishilik hoquq teshkilatlirining ashkarlishiche, da'iriler Uyghur élidiki "Kona mehelliler" ni ‍özgertish namida nurghun meschitlerni chéqiwetken. Yéqinda radiyomiz ghuljaning xitay baziridki 2 meschitning chéqiwétilgenliki, bir meschidning özgertilgenlikini delilligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet