Uyghur ammibab naxshichi ablajan awutning milletler ara "Köwrük" bolmaqchi bolghanliqi inkas qozghimaqta

Muxbirimiz qutlan
2017-03-18
Share

Ablajan awut yéqinqi mezgillerdin buyan ammibab naxsha cholpini süpitide tonuliwatqan yash bolup, bir qisim chet'el taratqulari uni "Uyghurlarning jastin baybéri" dep atighan.

Halbuki, u tönügün, yeni 17-mart küni b b s muxbirining ziyaritini qobul qilghanda özining Uyghurlar bilen xitaylar otturisidiki "Medeniyet ariliqi" gha "Köwrük" bolushni xalaydighanliqini bildürgen.

Ammibab naxsha cholpini ablajan awutning yoqiriqi sözliri Uyghur diyarida milliy ziddiyetler eng keskinleshken, qanliq weqeler arqa-arqidin yüz bériwatqan, xitay hökümiti rayonda üzlüksiz halda "Muqimliq" we "Milletler ittipaqliqi" dep towlawatqan bir alahide mezgilde éytilghan.

Xewerde ablajan awutning xitaylar bilen Uyghurlar arisida zadi qandaq "Köwrük" bolmaqchi ikenliki we bu heqtiki konkérit pilani tilgha élinmighan.

Muhajirettiki Uyghur jama'iti ijtima'iy taratqulargha inkas yézip, naxshichi ablajan awut xitayda teshwiqatchi qurbanjan semet tipidiki "Qizil köwrük" bolmaqchimu yaki bashqa tiptiki "Köwrük" bolushni oylawatamdu, dégen bes-munazirilerni qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet