Кувәйт парламент әзалири кувәйт һөкүмитини уйғур мәсилисигә көңүл бөлүшкә чақирған

Мухбиримиз ирадә
2019-12-26
Share

Анадолу агентлиқиниң 25- декабир күни тарқатқан хәвиридин қариғанда, кувәйт парламентиниң 27 нәпәр парламент әзаси кувәйт һөкүмитини хитайдики уйғур мусулманлири вә һиндистандики мусулманларниң әһвалиға көңүл бөлүшкә чақирип имзалиқ баянат елан қилған.

Улар баянатида өзлириниң хитай һөкүмитиниң зиянкәшликигә учраватқан уйғур мусулманлириға болған һессидашлиқини вә қоллишини ипадә қилған һәм шундақла кувәйт һөкүмитини уйғур мусулманлириға қилиниватқан зиянкәшликни тохтитиш үчүн бу мәсилигә арилишишқа чақирған.

Мәлум болушичә, буни оттура-шәрқ дөләтлириниң сиясәтчилири ариисдин уйғур мәсилиисдә чиққан тунҗи наразилиқ авази дәп қарашқа болидикән.

Хитай һөкүмитиниң уйғур елида аз дегәндә 2 милйон әтрапида кишини йиғивелиш лагерлириға қамап, уларни роһий вә җисманий җәһәттин қийнаватқанлиқиға қарши америка қатарлиқ ғәрб демократик әллири һәрикәткә өткән болсиму, бирақ һазирғичә бирәрму ислам дөлитиниң яки "ислам һәмкарлиқ тәшкилати" ға охшаш нопузлуқ органларниң буниңға қарши аваз чиқармиғанлиқи күчлүк тәнқидкә учриған.

Йеқинда даңлиқ потбул чолпини мәсут өзил мана бу мәсилини тилға елип "муһәммәд үммәтини номуссузлуқ қилиш вә залимларниң зулумиға сүкүт қилиш" билән әйибләп зор тәсир қозғиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт