"Lakost" mehsulatlirining lagérlarda ishliniwatqanliqi algha sürülmekte

Muxbirimiz eziz
2020-03-03
Élxet
Pikir
Share
Print

Uyghurlar diyaridiki tutqunlar emgiki heqqide türlük melumatlar otturigha chiqiwatqanda dunyagha dangliq markilardin bolghan "Lakost" (Lacoste) mehsulatliridin bir qisim peleylerning lagérlarda ishliniwatqanliqi munazire qozghidi.

"Washin'gton pochtisi" gézitining 3-marttiki xewirige qarighanda, "Lakost" markiliq peleyler Uyghurlar diyaridiki lagérlarda tutqunlarning mejburiy emgiki arqiliq wujudqa kelmekte iken.

Emma mezkur shirketning bayanatchisi birleshme agéntliqning muxbirigha söz qilip "Xitaydiki zawutlarni bir qisim kishiler ékskursiye qilghan bolsimu, bundaq ehwalni bayqimiduq" dégen. Shundaqla özlirining herqandaq shekildiki mejburiy emgekni men'i qilidighanliqini bildürgen.

Nöwette ili wilayitide ishlen'gen bu peleylerdin bir qismi yawropada sétilghan bolup, qalghanliri hazirche shirketning iskilatida saqlanmaqta iken.

Melum bolushiche "Lakost" shirkiti 1933-yili firansiyede qurulghan bolup, kiyim-kéchek, xurum mehsulatliri, sa'et we etir dégendek mehsulatlarni ishlepchiqirish bilen tonulghan iken.

Toluq bet