Лагерлардики җинсий зораванлиқ диққәт қозғимақта

Мухбиримиз әзиз
2020-02-12
Елхәт
Пикир
Share
Принт

Уйғур дияридики лагерға қамалған милйонлиған тутқунлар арисида қизлар вә аялларму бәлгилик санни игиләйдиған болуп, уларниң көпләп җинсий хорлуқниң қурбани болуватқанлиқи йеқиндин буян ғәрб дунясиниң диққитини қозғашқа башлиди.

2020-Йилиниң бешида германийә ташқи ишлар министирлиқиниң уйғур дияридики лагерларға мунасивәтлик бир парчә мәхпий доклати ашкара болуп кетип, лагер тутқунлириниң иппәт-номусини булғаш қилмишиниң көпләп йүз бериватқанлиқи мәлум болған иди. 11-Феврал күни италийәдә чиқидиған «зимистан» тор журнилида лагер шаһитлириниң баянлиридин нәқилләр кәлтүрүш арқилиқ һазир лагерларда бу хилдики җинсий хорлуқ вә номусиға тегиш қилмишлириниң ямрап кәткәнлики шундақла буниң һечқандақ гуманға һаҗити чүшмәйдиған пакит болуп қалғанлиқи муһакимә қилинди.

«Зимистан» торида елан қилинған мақалида көрситилишичә, сиясий сәвәбләрдин тутқун қилинған қиз-чоканларниң номусиға тегиш қилмиши тибәт районидики мунахлар арисида «қайта тәрбийәләш» етики васитиләрдин бири болуп қалған. Әнә шу усулни көпләп синақ қилған чен чуәнго болса нөвәттә уйғур дияридики лагерларниң баш қоманданлиқини өтимәктә икән.

Пикирләр (0)
Share
Толуқ бәт