Lagérlardiki jinsiy zorawanliq diqqet qozghimaqta

Muxbirimiz eziz
2020-02-12
Élxet
Pikir
Share
Print

Uyghur diyaridiki lagérgha qamalghan milyonlighan tutqunlar arisida qizlar we ayallarmu belgilik sanni igileydighan bolup, ularning köplep jinsiy xorluqning qurbani boluwatqanliqi yéqindin buyan gherb dunyasining diqqitini qozghashqa bashlidi.

2020-Yilining béshida gérmaniye tashqi ishlar ministirliqining Uyghur diyaridiki lagérlargha munasiwetlik bir parche mexpiy doklati ashkara bolup kétip, lagér tutqunlirining ippet-nomusini bulghash qilmishining köplep yüz bériwatqanliqi melum bolghan idi. 11-Féwral küni italiyede chiqidighan "Zimistan" tor zhurnilida lagér shahitlirining bayanliridin neqiller keltürüsh arqiliq hazir lagérlarda bu xildiki jinsiy xorluq we nomusigha tégish qilmishlirining yamrap ketkenliki shundaqla buning héchqandaq guman'gha hajiti chüshmeydighan pakit bolup qalghanliqi muhakime qilindi.

"Zimistan" torida élan qilin'ghan maqalida körsitilishiche, siyasiy seweblerdin tutqun qilin'ghan qiz-chokanlarning nomusigha tégish qilmishi tibet rayonidiki munaxlar arisida "Qayta terbiyelesh" étiki wasitilerdin biri bolup qalghan. Ene shu usulni köplep sinaq qilghan chén chu'en'go bolsa nöwette Uyghur diyaridiki lagérlarning bash qomandanliqini ötimekte iken.

Toluq bet