Mexpiy höjjetlerdiki lagér tutqunlirini "Hergiz qachurup qoymasliq" buyruqi alahide diqqet tartti

Muxbirimiz shöhret hoshur
2019-11-29
Share

Xitayning Uyghur rayonidiki lagérlargha alaqidar ikkinchi qétim, yeni 24-noyabir küni ashkarilan'ghan mexpiy höjjetlerdiki lagirdikilerni "Hergiz qachurup qoymasliq" buyruqi xelq'ara xewerlerning köpinchiside haliqliq pakit süpitide tilgha élindi.

"Muhapizetchi" gézitining bügünki tehrirat maqalisidimu ötken bir heptining xitay üchün xeyrlik bir hepte bolmighanliqi bayan qilinip, ashkara'ilan'ghan mezkur mexpiy höjjetlerde Uyghur rayonida lagérda yétiwatqan tutqunlarni "Hergiz qachurup qoymasliq" buyruqi bérilgenliki tekitlendi. 

"Télégraf" gézitining düshenbe künidiki xewiridimu mezkur mexpiy höjjetlerdiki "Derwazini mehkem taqash, binani mehkem taqash, yataq ishikini mehkem taqash, karidor ishikini mehkem taqash, ishikni achqan haman derhal taqash" dégen jümliler eynen neqil élin'ghan.

Xitay da'iriliri lagérlarni aqlap söz qilghanda uni "Yataqliq mektep" ke oxshitip, atalmish "Oquchi" larning bu yerge öz ixtiyari bilen kélidighanliqi we xalighan waqtida öyige qaytidighanliqini ilgiri sürüp kéliwatqan idi. "Közitish" zhornilining bügünki tehrirat maqalisida ashkarilan'ghan mezkur mexpiy höjjetlerning xitay terepni teshwiqat sépide intayin osal ehwalgha chüshürüp qoyghanliqi ilgiri sürlügen. Birinchi qétim ashkarilan'ghan mexpiy höjjetlerde yerkenning sabiq sékritari wang yongjining lagérdiki 20 ming tutqundin 7mingni qoyup bergenliki üchün jazalan'ghanliqi alahide diqqet tartqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.