Lagér shahiti tursun'ay ziyawidin saq-salamet amérikagha yétip keldi

Muxbirimiz erkin
2020-09-28
Share

Lagérdin qoyup bérilip chet'elge chiqishqa muweppeq bolghan sanaqliq lagér shahitlirining biri-tursunay ziyawidin amérika tashqi ishlar ministirliqining yardimide 25-séntebir küni saq-alamet amérikagha yétip kelgen.

Tursun'ay ziyawidin yéqinqi 2 yil ichide amérika tashqi ishlar ministirliqining yardimide amérikagha élip kélin'gen ikkinchi lagér shahiti. Amérika hökümiti ilgiri lagér shahiti méhrigül tursunnimu misirdin amérikagha élip kelgen idi. Amérikadiki Uyghur kishilik hoquq qurulushi 25-séntebir élan qilghan bayanatida nöwette tursun'ay ziyawidinning amérikagha yétip kelgenliki, uning "Hazir amérikada bixeter ikenlikidin bek xatirjem bolghanliqi" ni bildürgen.

Tursun'ay ziyawidin 2018-yilning bashlirida lagérgha qamilip, 2018-yili 12-ayda lagérdin qoyup bérilgendin kéyin qazaqistan puqrasi bolghan yoldishining yardimide qazaqistan'gha chiqishqa muweppeq bolghan. U qazaqistan'gha chiqip, özining lagérdiki 9 ayliq tutqunluq hayati we lagérdiki qorqunchluq ehwallar heqqide guwahliq bérishke bashlighan. U ilgiri bir bir qanche qétim radiyomizning ziyaritini qobul qilip, lagérdiki ichki ehwallarni ashkarilighan. Buning bilen u xitay we qazaqistan hökümetlirining qattiq bésimigha uchrighan.

Qazaqistan hökümiti uning wizisini uzartip bérishni ret qilip, xitaygha qaytip kétishini telep qilghan. Bu yil 2-ayda uning almutada turushluq öyige tuyuqsiz ot ketken idi. U xitay bilen qazaqistanning bésimida axiri qazaqistanndin ayrilishqa mejbur bolup, yéqinda türkiyege kelgen idi. Kishilik hoquq teshkilatlirining tekitlishiche, tursun'ay ziyawidin halqiliq lagér shahitlirining biri bolup, uning guwahliqi xitay hökümitining jinayitini békitish we sotqa tartilishida intayin muhim iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet