Yawropadiki lagér shahitliri gérmaniyede ikki heptilik guwahliq bérish pa'aliyiti élip baridiken

Muxbirimiz erkin
2021.10.11
Share on WhatsApp
Share on WhatsApp

Fransiyediki lagér shahiti gülbahar héytwaji bilen gollandiyediki lagér shahiti qelbinur sidiq kéler ay gérmaniyede ikki heptilik guwahliq bérishi pa'aliyiti élip bérip, gérmaniye axbaratini, siyasiyonlirini we xelqini xitayning Uyghurlargha qarita élip barghan “Irqiy qirghinchiliqi” gha qarshi heriketke ‍ötüshke chaqiridiken. “Yawropa sherqiy türkistan birligi” ning re'isi esqer janning éytishiche, mezkur teshkilatning orunlashturushidiki bu pa'aliyet 11-ayning 7-küni myunxéndin bashlinip, 11-ayning 20-künigiche dawamlishidiken.

U 11-öktebir radiyomizgha bu pa'aliyette shahitlarning lagérlardiki qiyin-qistaq, xorlashlar heqqide guwahliq béridighanliqi, bu pa'aliyetning nishani gérmaniye axbaratigha, siyasiyonlirigha, ammiwiy tekilatlirigha we gérmaniye ammisigha qaritilghanliqini bildürdi. Uning éytishiche, pa'aliyet 11-ayning 7-küni myunxénda axbarat élan qilish bilen bashlinip, awgustburg, frankfurt, götén'gén, xanowér, bérlin qatarliq 10 sheherde élip bérilidiken.

Esqer jan “Bu pa'aliyetni gérmaniye xelqi Uyghur lagér shahitlirining béishidin qandaq paji'elerning ötkenliki, qandaq qiyin-qistaqqa duch kelgenlikini ularning ‍öz aghzidin anglisun, dep bashliduq” dédi.

Bu pa'aliyet xitay hökümiti lagirdiki Uyghurlargha qiyin-qistaq, basqunchiliq, tughmas qilish, xorlashni öz öz ichige alghan her xil gheyri insani mu'amilide bolghanliqini ret qilip, lagir shahitlirigha hujum qiliwatqan bir waqitta élip bérilidu. Uyghur aptonom rayonliq hökümet 11-öktebir küni béyjingda chaqirghan axbarat yighinidimu ‍özlirining Uyghurlarni xorlighanliqini ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.