Бир сабиқ хитай лагер тутқуни җаза лагерлирида уйғурлар учраватқан зулумларни ашкарилиди

Мухбиримиз әркин
2022.02.18
Share on WhatsApp
Share on WhatsApp

2019-Йили қисқа муддәт уйғур елидики җаза лагерида йетип, лагердин чиққандин кейин америкаға қечип кәлгән бир сабиқ хитай лагер тутқуни, америка таратқулириға җаза лагерлирида уйғурлар учраватқан зулумларни ашкарилиған. У ташқий дуняға чиқип, җаза лагерлирида йүз бериватқан вәһшиликләрни ашкарилиған санақлиқ хитай “шаһит” лириниң биридур. Буниң алдида уйғур елида бир мәзгил вәзипә өтигән бир сабиқ хитай сақчисиму, лондонда ечилған “уйғур сот коллегийәси” дә уйғурлар учраватқан вәһшиликләрни ашкарилап, гуваһлиқ бәргән иди.

Америкадики “көрүш вақти” ториниң хәвәр қилишичә, җяң йүән исимлик бу лагер тутқуни америкадики фалунгочиларниң “бүйүк ера” гезити вә “йеңи таңлиқлар” телевизийә қанилида, өзиниң 2019-йили уйғур елида тутқун қилинип, 35 күн аталмиш “қайта тәрбийәләш” лагерида йетиш җәрянида көргән вә бешидин кәчүргәнлирини ашкарилиған. 12 Йешида аилиси билән уйғур елиға көчүп кәлгән җяң йүәнниң ейтишичә, “лагердикиләр һайвандәк муамилигә учрайдикән вә мәҗбурий әмгәккә селинидикән.”

Көзәткүчиләр, униң гуваһлиқи уйғур, қазақ лагер шаһитлири ашкарилиған әһваллар билән әйнән икәнликини, буниң лагерларда садир болуватқан қорқунучлуқ җинайәтләргә даир дәлилләрни техиму күчәйтидиғанлиқини билдүргән.

Җияң йүәнниң ейтишичә, уйғур елида һазирму лагерлар қурулуватқан болуп, лагер қурулуши хитай содигәрлиригә һөддигә берилидикән, әмма қурулушта уйғур ишчилар ишләп, иш һәққини сақчилар алидикән. У лагерда аялларға мәҗбурий һормонлиқ дора ичүрүлүп, һейизиниң тохтитилидиғанлиқи, һәммисиниң чечи чүшүрүлүп, униңдин ялған чач ясап хәлқараға екиспорт қилинидиғанлиқи, тутқунларниң көпинчиси лагер ичидики завутта ишләйдиғанлиқи вә һәр күни тутқунларниң партийәгә садиқ болуш тоғрисида меңиси ююлидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.