Uyghur teshkilatliri xitay öktichi lyu shawboning wapatigha teziye bildürüp, xitayni tenqid qildi

Muxbirimiz erkin
2017.07.14

Nobél tinchliq mukapati sahibi, ataqliq öktichi lyu shawboning wapati gherb elliri, xelq'ara kishilik hoquq guruppiliri we Uyghur teshkilatlirini chongqur qayghugha saldi.

D u q peyshenbe küni élan qilghan bayanatida, “Lyu shawbo kishilik hoquq, démokratiye üchün küresh qilishning we shundaqla dölet küchining shepqetsiz we zalimliqigha qarshi tirkishishning menggülük simwoli” bolup qalidighanliqini bildürdi.

D u q bayanatida yene mundaq déyilgen: “Uning paji'esi xitayning tinch tenqidchilerni basturush, öktichilerge wehime sélish we shundaqla qandaq heriketlerning xitay, Uyghur, tibet we bashqilargha paydiliq ikenlikige da'ir zörür di'aloglarni dawamliq boghuwatqanliqining roshen ipadisi.”

Amérikidiki Uyghur kishilik hoquq qurulushi teshkilati shu küni élan qilghan bayanatida, uning aghdurmichiliq bilen eyiblinip adaletsiz türmige qamalghanliqini, xitay hökümitining késelni dawalashni ret qilip, uning ölüshige yol achqanliqini eyibligen. Lyu shawboning wapati yene amérika, gérmaniye, firansiye, en'gliye qatarliq döletler we nurghun xelq'ara teshkilatlarning inkasini qozghighan idi.

Amérika dölet ishlar ministiri téllirson, peyshenbe küni lyu shawboning wapatigha teziye bildürüp, uning “Xitayda tinch démokratik islahatni algha sürüsh üchün türmige qamilip, wapat bolghanliqi” ni bildürgen. Gérmaniye, firansiye, en'gliye lyu shawboning ayali lyu shyaning chet'elge chiqip dawalinishigha yol qoyushni telep qilghan. B d t kishilik hoquq aliy komissari ze'id ra'ad el hüseyin, “Dunya, özining hayatini kishilik hoquq, tinchliqni qoghdashqa we izchilliqqa atighan, özining étiqadi üchün türmige tashlan'ghan, prinsipal bir chémpiyondin ayrildi” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.