Б д т кишилик һоқуқ алий комиссари хитай даирилири билән лю шавбониң аялиниң мәсилисини сөзләшмәкчи

Мухбиримиз әркин
2017.07.21
Share on WhatsApp
Share on WhatsApp

Б д т кишилик һоқуқ алий комиссари зәид раад әл һүсәйин өзиниң хитай даирилири билән көрүшүп, уларни йеқинда вапат болған нобел тинчлиқ мукапати саһиби лю шавбониң аялиниң әркинликини беришкә чақиридиғанлиқини билдүргән.

Ройтерс агентлиқиниң хәвәр қилишичә, зәид раад әл һүсәйин пәйшәнбә күни нюйорк шәһиридә мухбирларға сөз қилип, “хитай әмәлдарлири билән көрүшүш пиланим бар. Биз һазир диққитимизни униң аялиға мәркәзләштүрдуқ. Биз униң әркинликкә еришиши үчүн тиришиватимиз. Әгәр у хитайдин айрилишни истисә, хитай униң айрилишиға йол қоюши керәк” дегән. Лю шавбо буниңдин бир һәптә аввал хитайниң шеняң шәһиридики бир дохтурханида җигәр раки сәвәблик вапат болған иди.

2009‏-Йили “ағдурмичилиқ” билән әйиблинип 11 йиллиқ қамақ қазасиға һөкүм қилинған лю шавбо, 2010‏-йили нобел тинчлиқ мукапатиға еришкән. Униң аяли лю шя шуниңдин бери нәзәрбәнд астида яшап кәлгән иди. Хитай һөкүмити лю шяниң мәсилиси хитайниң ички иши икәнликини илгири сүрүп, б д т вә башқа чәтәл дөләтлирини хитайниң ички ишлириға арилашмаслиққа чақирип кәлгән.

Бирләшмә агентлиқиниң хәвәр қилишичә, б д т алий комиссари зәид раад әл һүсәйин хитайниң сөзигә инкас қайтуруп, б д т омумий қурултийиниң җәнубий африқа ирқий айримичилиқ дәвридә мақуллиған ениқ қарари барлиқини, (кишилик һоқуқ хатирисини) тәнқидләш башқа дөләтләрниң ички ишлириға арилашқанлиқ әмәсликини тәкитлигән.

Раад әл һүсәйин: “шуңа, мән хитайни вә мушундақ қараштики барлиқ дөләтләрни өзлириниң бу хусустики қанунлуқ дәлиллирини оттуриға қоюшқа тәклип қилимән. Бизниң қолимизда дәстикимиз бар. Бу йәрдә суйиистемални биз әмәс, улар қиливатиду” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.