B d t kishilik hoquq aliy komissari xitay da'iriliri bilen lyu shawboning ayalining mesilisini sözleshmekchi

Muxbirimiz erkin
2017.07.21
Share on WhatsApp
Share on WhatsApp

B d t kishilik hoquq aliy komissari ze'id ra'ad el hüseyin özining xitay da'iriliri bilen körüshüp, ularni yéqinda wapat bolghan nobél tinchliq mukapati sahibi lyu shawboning ayalining erkinlikini bérishke chaqiridighanliqini bildürgen.

Roytérs agéntliqining xewer qilishiche, ze'id ra'ad el hüseyin peyshenbe küni nyuyork shehiride muxbirlargha söz qilip, “Xitay emeldarliri bilen körüshüsh pilanim bar. Biz hazir diqqitimizni uning ayaligha merkezleshtürduq. Biz uning erkinlikke érishishi üchün tirishiwatimiz. Eger u xitaydin ayrilishni istise, xitay uning ayrilishigha yol qoyushi kérek” dégen. Lyu shawbo buningdin bir hepte awwal xitayning shényang shehiridiki bir doxturxanida jiger raki seweblik wapat bolghan idi.

2009‏-Yili “Aghdurmichiliq” bilen eyiblinip 11 yilliq qamaq qazasigha höküm qilin'ghan lyu shawbo, 2010‏-yili nobél tinchliq mukapatigha érishken. Uning ayali lyu shya shuningdin béri nezerbend astida yashap kelgen idi. Xitay hökümiti lyu shyaning mesilisi xitayning ichki ishi ikenlikini ilgiri sürüp, b d t we bashqa chet'el döletlirini xitayning ichki ishlirigha arilashmasliqqa chaqirip kelgen.

Birleshme agéntliqining xewer qilishiche, b d t aliy komissari ze'id ra'ad el hüseyin xitayning sözige inkas qayturup, b d t omumiy qurultiyining jenubiy afriqa irqiy ayrimichiliq dewride maqullighan éniq qarari barliqini, (kishilik hoquq xatirisini) tenqidlesh bashqa döletlerning ichki ishlirigha arilashqanliq emeslikini tekitligen.

Ra'ad el hüseyin: “Shunga, men xitayni we mushundaq qarashtiki barliq döletlerni özlirining bu xusustiki qanunluq delillirini otturigha qoyushqa teklip qilimen. Bizning qolimizda destikimiz bar. Bu yerde suyi'istémalni biz emes, ular qiliwatidu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.