Ma shingrüy saqchilarni teqdirlesh yighini échip, 20-qurultaygha teyyarliq qilish seperwerlikini bashlighan

Muxbirimiz jewlan
2022.06.22
Share on WhatsApp
Share on WhatsApp

Xitayche “Tengritagh” torining xewirige qarighanda, Uyghur aptonom rayonluq partkomning sékrétari ma shingrüy 22-iyun küni “Munewwer saqchilarning ish-izlirini doklat qilish yighini” échip, “Térrorluqqa zerbe bérip muqimliqni qoghdash” ni qanunlashturush, da'imilashturush we kesipleshtürüshni tekitligen hemde “Partiye 20-qurultiyining muweppeqiyetlik échilishi üchün saghlam ijtima'iy we siyasiy muhit yaritish” ni telep qilghan.

Yighinda 10 neper doklatchi ürümchi, qumul, yeken, qaramay, chaqiliq qatarliq jaylardiki “Ilghar saqchi etretliri” ning pa'aliyetlirini tonushturghandin bashqa, “Xelq qehrimani” dep atalghan gheyret mamut, raxman ehet qatarliq 4 neper saqchining ish-izlirini sözligen.

Melumatlargha qarighanda, guma nahiye köktérek yéza saqchixanisining sabiq bashliqi gheyret mamut 2013-yil “Térrorchilarni qoghlap tutush” herikitide, atalmish bir “Térrorchi” ni neq meydanda étip öltürgen. 2016-Yil 9-ayda gheyret mamut saqchi etritini bashlap, “Térrorchilarning kattiwéshi” ni qapsiwélip tutay dégende, chiqish yoli tapalmighan “Térrorchi” özini qoshup partlatqan, gheyret mamutmu neq meydanda ölgen.

2017-Yil xitay j x ministirliqi gheyret mamutqa “Memliketlik j x sistémisidiki 1-derijilik qehriman” dégen namni bergen؛ 2019-yil xitay hökümiti uninggha xitay saqchiliri ichidin chiqqan “Xelq qehrimani” dégen namni bergen.

Yéqindin buyan xitay metbu'atlirida atalmish “Térrorluqqa qarshi turush qehrimanliri” köplep teshwiq qilinmaqta. “Shinjang saqchi höjjetliri” de körsitilginidek, chén chüen'goning “Qarshiliq qilghanlarni neq meydanda öltürüsh” buyruqi gheyret mamuttek rehimsiz saqchilarni qutritip, ularni öz xelqining qatillirigha aylandurghan. Emma xitay hökümiti üchün ular tépilghusiz ülge we “Xelq qehrimani” hésablan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet