Uyghur élide mal bahasining örlep kétishi seweblik xelqning emeliy kirimi töwenligen

Uyghur élide mal bahasining shiddetlik örlep kétishi seweblik xelqning emeliy kirimi töwenlep ketken. Uyghurbiz torining xitay statistika idarisidin neqil keltürüp xewer qilishiche, ötken yérim yilda Uyghur élidiki sheher, bazar ahalilirining sap kirimi namda ösken bolsimu, biraq 2‏-pesilde 1‏-pesilge qarighanda sap kirimi 6.0 Pirsent, emeliy kirimi 5.0 Pirsent töwenligen.

Mutexessislerning qarishiche, Uyghur aptonom rayonida mal bahasining izchil örlep kétishi puqralarning emeliy kirimining chüshüp kétishini keltürüp chiqarghan.

Xitay döletlik statistika idarisi shinjang tekshürüsh etritining mu'awin mes'uli fen yüjin, ötken yérim yilda aptonom rayonda mal bahasining örlishi xitay boyiche aldinqi orunni igiligenlikini, bolupmu, sheherlerge qarighanda yézilarda yuqiriliqini bildürgen. Bezi közetküchilerning ilgiri sürüshiche, xitay köchmenlirining Uyghur élige köplep éqip kirishi Uyghur élide mal bahasining izchil yuqiri bolushidiki seweblerning biri. Uning üstige xitay hökümitining köchmenlerni yölesh siyasiti xitaylar bilen Uyghurlar arisidiki kirim perqini chongaytiwetken.

Uyghurbiz torining xewiride, gösh qatarliq istémal buyumlirining bahasining uchqandek örlep kétishi, töwen qatlamdiki ammigha zor bésim peyda qilghanliqi inkas qilin'ghan.